Expresión e comunicación gráfica
Waybe é un plugin que permite construír un recortable ou maqueta en papel do noso modelo 3D creado con Sketchup.
A partir dun modelo tridimensional debuxado con Sketchup, Waybe crea planos coas caras, aristas e pestanas, para logo só ter que recortar, dobrar, e poñer cola.
(Vía: blog.is-arquitectura.es)
Hai un tempo publiquei un post sobre Realidade Aumentada, no que se amosaban unhas aplicacións en flash para engadir información virtual ao entorno real. Pois temos novas ferramentas para experimentar:
Con ARsights podemos reproducir modelos 3D de Google Earth. Debes descargar previamente a aplicación, imprimir a plantilla, elixir o modelo e conectar a cámara.
Pero o máis interesante de todo isto é poder deseñar as nosas propias figuras e experimentar a realidade aumentada con elas.
Daquela xa falei de BuildAR, pero paréceme máis interesante AR-media, Trátase dun plugin para Google SketchUp que nos permite integrar na realidade os modelos 3D que debuxamos con dita aplicación.
Aquí tes un vídeo no que podes ver as posibilidades:
En Tecnotic infórmannos doutra aplicación interesante que podemos experimentar. Neste caso podemos ter no noso escritorio animacións de enerxía eólica e enerxía solar.
Temos que ir a ge.ecomagination.com, imprimir a plantilla, conectar a cámara web, e xa temos as nosas animacións.
Ver tódalas anotacións sobre Realidade aumentada
Desde que xorde a idea de crear unha película ata que está en carteleira, hai un longo período de tempo no que traballan un extenso equipo de profesionais. Tamén son moitas horas de traballo as necesarias para crear un xogo de ordenador.
Entre as tarefas que hai que realizar está a animación 3D, que permite modelar e animar en tres dimensións.
Se observas ben poderás ver que temos 4 vistas, alzado, planta, perfil, e vista de cámara, e baseándose nestas vistas, os modelos xéranse mediante ferramentas de software.
Neste vídeo podes ver como se modela un dragón.
Despois aos modelos ténselles que incluír un “esqueleto” coas mesmas limitacións e capacidades que ten un esqueleto humano. Dese xeito obtéñense movementos naturais.
Botádelle unha ollada aos curtos de animación do audiovisual galego: Flocos.tv
Nós tamén podemos facer películas de animación mediante aplicacións que nos facilitan a tarefa, sen ter que debuxar. Podes ver aquí uns exemplos:
XtraNormal: Permítenos crear películas de animación e engadir voz ás personaxes.
[Xtranormal: Van vir molestar]
Deixarás que se escapen? Vai por eles e continúa a película.
Tamén podemos facer animacións en 2D cunhas aplicacións en flash coma estas:
GoAnimate! Elixe as personaxes, escribe o texto que queres que apareza, elixe a música de fondo, e xa tes a túa animación.
[Goanimate: Aburridos]
A ver se o robot e o marciano deixan de aburrirse. Anímaos!
MovieMaker: Esta aplicación é similar á anterior, anque máis sinxela.
Aceptades a súa invitación?
Outros máis
Spell with flickr é unha aplicación que nos permite construír palabras utilizando imaxes de letras atopadas en Flickr. Pódevos resultar de interese para portadas de traballos, deseño de cartaces, encabezamentos das publicacións na rede… toda vosa!
Con este concurso organizado pola Universidade Politécnica de Cartagena preténdese mostrar desde unha perspectiva lúdica, dinámica e científica a actualidade da ciencia e da tecnoloxía.
Facendo uso dunha técnica libre de fotografía, montaxe fotográfica, ilustración, ou banda deseñada o obxecto do concurso será deseñar un modelo didáctico para responder a interrogantes, tales como: Por que?, Para que?, Como se fai?, Como funciona?, Que fai?, … plasmando a imaxe dun instrumento, un invento orixinal, unha máquina, un proceso físico ou químico, unha reacción, un modelo matemático, unha formulación, un proceso biolóxico, ou un concepto científico ou técnico e aportando a esa imaxe un texto dinámico, comprensible e lúdico.
Establécense dúas categorías, unha categoría A para estudantes ata 18 anos cumpridos e outra categoría B para poboación en xeral a partir de 19 anos de idade, ambas con posibilidade de obter interesantes premios.
O prazo de presentación remata o 6 de Marzo de 2009
Podes consultar aquí:
