tecnoloxia.org

Tecnoloxía na Educación Secundaria

3 anos no blogomillo

Xa van 3 anos desde que naceu tecnoloxia.org, así que ímolo celebrar con este pastel, que quero compartir especialmente cos meus alumnos e alumnas (que loxicamente en vacacións xa non pasarán por aquí pois hai cousas máis interesantes que facer) e cos lectores e lectoras habituais.

pastel3aniversario.jpeg

Este curso houbo moitos altibaixos nas estatísticas de visitas. En certo modo é normal pois as subidas e baixadas seguen os períodos lectivos e vacacionais do curso, pero tamén inflúe que este ano non fun nada constante no ritmo de publicacións. O que si foi constante é o aumento das subscricións ao feed.

estatisticas2010.jpg

O post máis visitado deste curso 2009-2010 foi “O timo dos purificadores de auga” que foi portada en chuza, en menéame e en bitácoras. Alégrome de que estes feitos se difundisen tan ben, pois a intención foi poñer o meu gran de area para evitar que máis xente sexa vítima deste fraude.

Tamén é moi satisfactorio ter acadado o IV premio Espiral Edublogs, ou ter quedado entre os 10 primeiros blogues educativos e entre os 100 primeiros bloques tecnolóxicos nos premios bitácoras.

E non sei a que ritmo, pero seguirei publicando. A verdade é que teño máis material gardado que o que son capaz de publicar, especialmente proxectos e traballos do alumnado que gardo no disco duro ou andan en páxinas dispersas que publican eles e elas. A ver se co tempo voulles dando saída aquí, aínda que prefiro non prometer nada.

Veña, moitas grazas por vir por aquí.
Seguiremos na rede!…

Tes algunha pregunta que facer?

No panel lateral esquerdo do blogue hai un novo widget. Trátase de formspring, un novo servizo da web 2.0 para facer preguntas públicas e responder publicamente.

Descubrino cando o meu colega virtual Sergio L. Palacios púxose a fedellar con el.

Para vós está, alumnos e alumnas, profes, visitantes, seguidores, … Tedes algunha pregunta que facer?

—–
Anulada a subscrición
—–

As respostas están aquí.

Tamén podedes rexistrarvos e crear a vosa conta.…

tecnoloxia.org entre os 10 primeiros blogues de educación

bitacorascom.pngNon esperaba este éxito de tecnoloxia.org premios bitacoras.com, pero segundo a II clasificación parcial este blogue está entre os 10 mellores blogues de educación votados polo público.

Quero dar as grazas a todas as persoas que destes o voso voto, e animar a quen aínda non votou para axudar a que tecnoloxia.org non baixe desa posición. Aínda tedes ata o 30 de outubro.

Hai que rexitrarse aquí, e logo votar na categoría de educación.

Polo que vin, Capítulo 0 e tecnoloxia.org son os únicos blogues escritos nunha lingua diferente ao castelán que están entre os primeiros posicionados nas diferentes categorías, e esa lingua é o galego. Dende logo que é un bo apoio á presenza da lingua galega en Internet. Así que un voto tamén para Capítulo 0 na categoría de blogues gastronómicos.…

Dous anos na blogosfera

Hai quen di que os blogues morreron, que non duran nada, que se van substituíndo por outros servizos de comunicación, … pero tecnoloxia.org aguanta en pé, e este mes cumpre 2 anos.

pastel2aniversario.jpeg

Tócavos un anaco desta tarta, xa que grazas a vós, lectores e lectoras habituais, teño ánimo de continuar. Un saúdo moi especial a aqueles alumnos e alumnas que, anque xa non lles dea clase, siguen vindo por aquí de visita para ver as novidades, e outro para os que deixades aquí os vosos comentarios.

estatisticas.jpg

A verdade é que estou sorprendida por como foi medrando o número de visitantes ao longo deste tempo. Isto comezou como un escaparate de información para as miñas clases de tecnoloxía da ESO, pero actualmente o público abrangue perfís do máis diverso, de dentro de de fóra de Galicia. Grazas!

Unha das cousas que me parece máis gratificante é saber que o alumnado doutros centros vén a este espazo de internet para aprender. Cando comecei con tecnoloxia.org a intención era a de publicar nun mesmo sitio material que tiña en diversos espazos e compartilo co resto do profesorado, que non quedase unicamente dentro da miña aula. Saber que se está a utilizar é do máis gratificante para min.

Durante varios meses, a principio de curso, houbo problemas de acceso a tecnoloxia.org dende os institutos. Ao principio pensei que era cousa do meu servidor, pero era problema do servizo da Xunta. Xa está arranxado, e esperemos que non volva a suceder.

Para o futuro a ver se cumpro cun par de obxectivos:

– Actualizar o que hai e publicar novo material na sección de contidos. A verdade é que xa lle fai falta, e téñoo algo abandoado.

– Publicar aquí máis fotos e vídeos dos proxectos dos meus alumnos e alumnas. O que máis hai son ideas que atopo pola rede, pero publico aquí moi poucos proxectos e traballos que facemos na clase, anque si están en internet nalgúns sitios web do alumnado. A ver se remexo no disco duro e empezo a difundir tamén aquí eses traballos.

Non prometo nada. A ver se non sucede o mesmo que coas propostas que se fai unha o 1 de xaneiro para o novo ano que comeza.

Grazas a todas e a todos!…