tecnoloxia.org

Tecnoloxía na Educación Secundaria

Erro 0036. Unha reflexión sobre a dependencia tecnolóxica.

Madrid, 2057. A tecnoloxía proporciona ao ser humano unha vida chea de comodidades e… sen erros? Jorge Arellano, un tipo corrente, verase acurralado na súa propia casa polos mesmos dispositivos que garanten a súa seguridade. Como reaccionará un home afeito a que sexan as máquinas as que lle solucionan todos os seus problemas?

[youtube: ERROR 0036]

A historia é divertida e tamén mellorable, pero cumpre coa súa función: chamar a atención sobre a dependencia cada vez maior que temos da tecnoloxía para case todas as cousas que facemos na vida diaria.

Déixovos a vós as reflexións, e eu só quero resaltar unha cousa: Os erros técnicos son sempre erros humanos. No deseño de calquera dispositivo ou sistema sempre hai que considerar o maior número de variables e casos posible, e ofrecer solucións ante posibles incidencias. Se a pila da chave do coche se gasta, sempre estará a chave clásica que permite abrilo. Deseñar un sistema de apertura e peche 100% electrónico, inseguro e sen alternativa trátase unha decisión humana, e non dun erro técnico.

Canto maior é a dependencia da tecnoloxía para realizar tarefas da vida cotiá, mellor debe ser o deseño dos sistemas, especialmente en relación á súa seguridade no funcionamento.

Tweet about this on TwitterShare on FacebookShare on Google+Email this to someone

One Comment

  1. Na miña experiencia parte do problema é que a xente non só non sabe cómo funciona a tecnoloxía, se non que ademáis non lle interesa.

    Para demasiada xente, cómo funciona o móbil é sinxelamente maxia.
    Isto da lugar a aplicarlle certa intelixencia a calquera trebello tecnolóxico. Cousas como “Non me quere funcionar hoxe” son pan de cada día.

    E logo, cando o aparato funciona como ten que funcionar, segundo a súa programación, en lugar de razoar máxicamente cómo nos gustaría que funcionase, sorprendémonos. “No medio da discoteca coa boca chea de magdalena, díxenlle o móbil que chamase a un amigo, e púxome a alarma para as sete da mañán”

    Pasa o mesmo cos microondas, e sempre hai algún que decide que é boa idea secar nel os calcetíns, ou poñer papel de aluminio por debaixo por se se sae algo que sexa máis fácil limpalo.

    Se as cousas funcionan con maxia, e xa funcionaron antes, non temos razóns para pensar que van a deixar de funcionar nun momento dado.

Deixa unha resposta

Required fields are marked *.