tecnoloxia.org

Tecnoloxía na Educación Secundaria

VII Mostra de Proxectos “Tecnoloxía na Rúa”

Quen estea en Santiago de Compostela o vindeiro venres 1 de xuño non debe perderse a VII Mostra de Proxectos “Tecnoloxía na Rúa”, na céntrica Praza do Toural. A mostra está organizada por APETEGA coa imprescindible colaboración do IES Rosalía de Castro.

Coma noutras edicións, exporanse os proxectos realizados polo alumnado na materia de Tecnoloxía da ESO de diversos institutos galegos e haberá algúns obradoiros prácticos nos que os asistentes poderán participar.

Este ano, coma novidade, levaremos algúns antigos trebellos que nos permitirán ser conscientes da evolución da tecnoloxía ao longo do tempo. Poderedes falar por uns teléfonos de manivela, facer cálculos con calculadoras mecánicas, ver como eran os ordenadores dos anos 80 (ZX Spectrum, commodore 64), unha videoconsola SOUNDIC, un amplificador HI- FI de válvulas, e moitas máis sorpresas.

  • Data: 1 de xuño de 2012
  • Lugar: Praza do Toural en Santiago de Compostela
  • Horario: de 17:00 a 20:30 horas
  • Cartel anunciador
  • Díptico

Animatrónica: os monicreques de hoxe

Mañá comeza o XIII Festival Internacional de Títeres de Redondela. Do 16 ao 20 de maio as rúas, prazas e xardíns redondeláns, xunto co Multiusos da Xunqueira, servirán de escenario para artistas, músicos e titiriteiros das máis variadas procedencias. Toda unha festa que non vos podedes perder!

Pero hoxe en día non só temos marionetas de fíos, monicreques de luva ou de vara, sombras chinesas ou bunrakus. A tecnoloxía meteuse tamén neste mundo, e cada vez son máis os artistas que utilizan tecnomonicreques nas súas actuacións.

A animatrónica é a utilización da mecatrónica (combinación da enxeñaría mecánica, electrónica, informática, de control e de deseño de sistemas) para crear máquinas animadas que imitan os movementos naturais. Utilízase principalmente no cine, publicidade, parques temáticos, museos e na industria do entretemento en xeral.

Na seguinte lista de reprodución podes ver uns exemplos de criaturas animatrónicas:
[Lista de reprodución youtube: animatronics]

A diferencia fundamental entre os sistemas animatrónicos e os robots é que os primeiros funcionan con movementos pregravados, controlados por ordenador ou son manipulados por humanos mediante dispositivos mecánicos ou radiocontrol, mentres que os robots responden de forma autónoma a estímulos externos percibidos mediante sensores.…

Campus Científicos de Verán

campuscientificos.es

Se es estudante de 4º de ESO ou de 1º de Bacharelato na modalidade de Ciencias e Tecnoloxía e o curso pasado tiveches unha nota media igual ou superior a 7,50 tes a oportunidade de participar durante 7 días do verán nun proxecto de achegamento científico e tecnolóxico nas áreas de bioloxía, biomedicina, física, química, matemáticas, medio ambiente, robótica ou enxeñaría, complementado con actividades de lecer e deportivas.

Os Campus Científicos de Verán están organizados pola Fundación Española para a Ciencia e a Tecnoloxía e o Ministerio de Educación, Cultura e Deporte, e desenvolveranse durante o mes de xullo e de forma simultánea en diferentes laboratorios e departamentos de investigación universitarios.

Os participantes seleccionados deberán abonar 90€ en concepto de matrícula e custear o desprazamento ata o campus asignado. A organización correrá cos custos de manutención, aloxamento en residencias e colexios maiores universitarios, traslados, material necesario para os proxectos, etc.

Tes ata o 16 de maio de 2012 para presentar a solicitude. Hai 1800 prazas e unha delas pode ser a túa.

Máis información:

 


Fotos de campuscientificos.blogspot.com.es

EficienTIC. O ataque do móbil pataca!

???????? ?? ?????O vindeiro martes 24 de xaneiro asistiremos á actividade de EficienTIC “O ataque do móbil pataca!” no CITEXVI – Cidade Tecnolóxica de Vigo (Parque Científico e Tecnolóxico da Universidade de Vigo no Campus Universitario de Lagoas Marcosende).

(Ver cartel en tamaño grande)

O proxecto de divulgación EficienTIC é un conxunto de actividades e talleres dirixidos a escolares de ESO e Bacharelato dos centros escolares galegos, coa fin de difundir e divulgar os conceptos básicos e as tecnoloxías máis innovadoras das áreas nas que traballa EnergyLab (Centro Tecnolóxico de Eficiencia e Sostenibilidade Enerxética) e Gradiant (Centro Tecnolóxico das Telecomunicacións de Galicia), que son as áreas das tecnoloxías de Información e Comunicacións (TIC) e a da eficiencia enerxética.

Tedes toda a información no blogue de EficienTIC.

– – – – – – – – – –

Actualización 30 de Xaneiro de 2010

Aquí tedes algunhas fotos da actividade:

E aquí a reportaxe que saíu no programa A Solaina da Televisión de Galicia. Está a partir do minuto 28:50

A nova en Código Cero: Celebrada con éxito a primeira xornada de EficienTIC

V Xornada Monográfica de APETEGA: As redes sociais na educación

O sábado 12 de novembro terá lugar no I.E.S. de Brión a V Xornada monográfica de Apetega, que este ano tratará o tema das redes sociais na Educación.

Contará con dous grandes expertos no tema: Juan José de Haro e Juan Carlos López Ardao, que nos achegarán ao mundo das redes sociais aplicadas ao procesos educativos.

Tedes ata o 5 de novembro para inscribirvos.

Podes consultar máis información na web de apetega

 …