Revoltallo de termos. A tecnoloxía en Galego.

Listaxe de termos.

Para calquera suxesión ou corrección dos datos engadidos escribide un comentario no post da actividade

Ordear por · [data] · [alfabético] · [especialidade]

Anterior · 1 2 3 4 5 6 7 8 9 Páxina 10 11 12 13 14 15 · Seguinte
Listadas 15 dun total de 212 ordeadas por número

Todas A B C D E F G H I J K L M N O P Q R S T U V W X Y Z


Táboa de verdade (Electrónica) É unha maneira de representar os estados das variables de entrada e de saída que ten unha función lóxica. Utilízase nos circuítos dixitais.

Controlador Lóxico Programable (Control e Robótica) Un Controlador Lóxico Programable ou PLC (Programmable Logic Controller), tamén chamado autómata programable, é un dispositivo electrónico utilizado na automatización industrial. Mediante programas almacenados no seu interior e diversos sensores, controlan o funcionamento das máquinas e procesos industriais e poden comunicarse con outros controladores e con ordenadores. A diferenza dos ordenadores, os PLCs están deseñados para traballar en ambientes industriais e non se quedan colgados.

Ferraxe (Instalacións) Conxunto de elementos mecánicos de apertura e pechamento de portas e ventás.

Ferralla (Materiais) Conxunto de obxectos de ferro, folla de lata, etc., vellos e usados e que se destinan á reciclaxe.

Videoxogo (Informática) Os videoxogos son programas informáticos de carácter lúdico utilizados en ordenadores ou videoconsolas. Poden ser de moitos tipos. Máis información

Orzamento (Tecnoloxía) Cálculo do custe dun proxecto ou obra, que se reflicte nun documento.

Cisallamento (Estruturas e Arquitectura) Esforzo que soportan as estruturas cando están sometidas a forzas que actúan paralelamente á súa sección e en sensos contrarios que tenden a cortala, é dicir, tenden a desprazar unha sección con respecto á outra.

Metroloxía (Tecnoloxía) A metroloxía é a ciencia da medida. Ten coma obxectivo o estudo dos sistemas de medida en calquera campo da ciencia e da tecnoloxía. Máis información

Luvas (Ferramentas) Vestimenta que cobre a man, o puño e parte do antebrazo. Pode ter protección en aceiro inoxidable que protexe as mans contra cortes.

Escuadro (Debuxo técnico) Instrumento, xeralmente de metal ou madeira, con forma de triángulo rectángulo, que serve para trazar e medir ángulos rectos.

Mensaxe (Comunicación) Unha mensaxe é unha información conformada por unha secuencia de sinais que corresponden a regras de comunicación precisas, que é enviada dun emisor a un receptor por medio dunha canle que serve de soporte físico de transmisión. Máis información

Porto USB (Informática) O Universal Serial Bus ou Universal Serial Driver (USC), comunmente abreviado USB é unha porta utilizada para conectar periféricos a un ordenador. Foi creado en 1996 por sete empresas: IBM, Intel, Northern Telecom, Compaq, Microsoft, Digital Equipment Corporation e a NEC.

Cravo (Mecánica) Pequena barra de metal rematada en punta e cunha cabeza no extremo oposto que se usa para unir pezas. O normal é chantar os cravos na peza coa axuda dun martelo ou unha pistola de cravos pneumática. Máis información

Computador (Informática) Un ordenador, computadora ou computador, é unha máquina que realiza cálculos e controla operacións expresadas en termos lóxicos e numéricos. O ordenador é un sistema dixital con tecnoloxía microelectrónica, capaz de procesar datos a partir dun grupo de instrucións denominado programa. A estrutura básica dun ordenador inclúe microprocesador (CPU), memoria e dispositivos de entrada/saída (E/S), xunto ós buses que permiten a comunicación entre eles.

Coitelo (Ferramentas) Instrumento que consta dunha folla de metal con fío por un dos lados e unida a un mango, que se usa para cortar diferentes cousas.