Revoltallo de termos. A tecnoloxía en Galego.

Listaxe de termos.

Para calquera suxesión ou corrección dos datos engadidos escribide un comentario no post da actividade

Ordear por · [data] · [alfabético] · [especialidade]

Páxina 1 2 3 · Seguinte
Listadas 15 das 36 que comezan por C ordeadas alfabeticamente dun total de 212

Todas A B C D E F G H I J K L M N O P Q R S T U V W X Y Z


Cable de rede (Comunicación) Un cable de rede é un cable que serve para conectarse a Internet ou para conectar varios ordenadores entre si. Este cable utiliza un conector RJ-45.

Cadro de diálogo (Informática) En interfaces gráficas de usuario, un cadro de diálogo é unha xanela especial para amosar información ao usuario ou para obter unha resposta. Son chamados así porque permiten unha especie de diálogo entre o sistema e o usuario.

Cadro xeral de protección e mando (Instalacións) Conxunto de aparellos, centralizados nunha caixa ou pequeno armario, especialmente deseñado e calculado para a protección de persoas, instalacións e receptores de calquera fallo que se produzan nunha instalación.

Caixa de ingletes (Ferramentas) A caixa de ingletes ou ingletadora é unha ferramenta que permite realizar cortes en ángulo. Adoita utilizarse cunha serra de costela ou unha serra de arco. Algunhas están deseñadas de tal maneira que o usuario pode escoller calquera ángulo de corte, pero as máis simples só presentan fendas para realizar cortes a 45º e 90º.

Caixa de texto (Informática) Espazo que os programas abren nos lugares onde o usuario deberá introducir información mediante o teclado. Por exemplo, agora estamos a escribir nunha caixa de texto.

Cámara Dixital (Comunicación) É unha cámara fotográfica que, no canto de capturar e almacenar fotografías en películas fotográficas como as cámaras fotográficas convencionais, faino dixitalmente mediante un dispositivo electrónico, ou en fita magnética usando un formato analóxico como moitas cámaras de vídeo.

Cambra (Electricidade) Contracción espasmódica e dolorosa dun músculo cando se somete un corpo á acción dunha corrente eléctrica.

Canzorro (Estruturas e Arquitectura) Elemento de pedra en beirado sobre o que tradicionalmente se apoia unha cornixa e que, posteriormente, pasou tamén a designar un beirado sobre o que se apoia unha trabe de madeira. Máis información

Carreira (Mecánica) Un pistón ou émbolo é unha peza móbel dunha máquina, con forma cilíndrica e que se despraza ao longo dun cilindro. A carreira ou percorrido do émbolo é a distancia que se despraza polo interior do cilindro.

Cartafol (Informática) Carteira virtual onde se poden gardar arquivos (de texto, imaxes, etc.) feitos no ordenador e que son gardados na súa memoria.

Cascallo (Informatica) Cascallo son lascas de pedra miúdas ou escouras de ferro, pero cando un ordenador non funciona ou é moi lento chamámoslle cascallo.

Cegoñal ou Veo de manivelas (Mecánica) Eixo con cóbados que transforma, nos motores de certas máquinas, o movemento alternativo das bielas en movemento circular, cedéndoo á transmisión. Soen fabricarse de aliaxes ben resistentes e poden ter perforacións para o paso de lubricante. Máis información

Cela (Informática) Nunha folla de cálculo é un lugar onde se pode introducir un dato. En xeral son de forma rectangular e sitúanse por un número, letra de fila e número/letra de columna.

Chafrán (Estruturas e Arquitectura) Fachada dun edificio que substitúe un canto.

Chave (Ferramentas) Ferramenta que se usa para apertar ou afrouxar porcas e parafusos. Pode haber diferentes tipos: -Chave de allen. -Chave fixa. -Chave inglesa. -Chave de estrela. -Chave de carraca.