Revoltallo de termos. A tecnoloxía en Galego.

Listaxe de termos.

Para calquera suxesión ou corrección dos datos engadidos escribide un comentario no post da actividade

Ordear por · [data] · [alfabético] · [especialidade]

Páxina 1 2 · Seguinte
Listadas 15 das 22 que comezan por F ordeadas alfabeticamente dun total de 212

Todas A B C D E F G H I J K L M N O P Q R S T U V W X Y Z


Fendas de expansión (Informática) As rañuras ou fendas de expansión son os conectores da placa base que permiten engadir novos compoñentes ao ordenador.

Ferralla (Materiais) Conxunto de obxectos de ferro, folla de lata, etc., vellos e usados e que se destinan á reciclaxe.

Ferraxe (Instalacións) Conxunto de elementos mecánicos de apertura e pechamento de portas e ventás.

Ferro coado (Materiais) Metal férreo composto por unha mistura de ferro e carbono nunha proporción entre 1,76 e 4,5% e que é menos resistente có aceiro. Chámase tamén fundición.

Ferruxe (Materiais) Óxido férrico hidratado de cor parda e vermella que se forma sobre o ferro exposto á humidade.

Fibra de vidro (Materiais) Fibra que se obtén de vidro fundido ao pasalo e estiralo a través de ringleiras especiais e que pode ser fiada e tecida. É incombustible, illante, quimicamente inactiva, moi moldeable, non absorbe a humidade e ten unha baixa condutividade térmica e acústica. Emprégase en instalacións de calefacción industriais, en illamento acústico, para a fabricación de estruturas resistentes e lixeiras (veleiros, táboas de surf, cascos, piscinas, etc.), e para a fabricación de cables de fibra óptica usados nas telecomunicacións. Máis información

Ficheiro (Informática) Conxunto de datos dun documento ou aplicación ao cal se lle asignou un nome para o seu almacenamento no disco. Tamén se di arquivo.

Fidelidade (Electrónica) Grao de exactitude coa que un sistema reproduce na súa saída as características esenciais do sinal que se aplica á súa entrada. En música a alta fidelidade chámase Hi-Fi, que é a que mellor calidade ten.

Fío Musical (Comunicación) Sistema transmisor de emisións de radio, musicais fundamentalmente, a través das liñas telefónicas.

Fol (Ferramentas) É un dispositivo mecánico cuxa función é a de conter ar para expulsalo a certa presión e en certa dirección. En forxa úsase para darlle aire ao lume e mellorar a combustión.

Folla de cálculo (Informática) É un programa que permite manipular datos numéricos e alfanuméricos dispostos en forma de táboas. Mediante este programa é posible realizar cálculos complexos con fórmulas e funcións e debuxar distintos tipos de gráficas.

Folla de Lata (Materiais) A Folla de Lata é un produto laminado plano de aceiro revestido cunha capa de estaño. É un material ideal para a fabricación de envases de metal, porque combina a resistencia mecánica e conformidade do aceiro coa resistencia á corrosión do estaño.

Fonte de alimentación (Electrónica) Na electrónica, unha fonte de alimentación é un dispositivo que converte a tensión alterna da rede de subministro, nunha ou varias tensións, practicamente continuas, que alimentan os distintos circuítos do aparello electrónico ao que se conecta (ordenador, televisor, impresora, router, etc.)

Forcada (Ferramentas) Instrumento de traballo agrícola con tres ou catro dentes. "Meteu a herba na palleira coa forcada."

Formigón (Materiais) É unha mestura de grava, area, auga e cemento, que fragua e torna dura. Ofrece unha gran resistencia á compresión. A súa densidade é variable e adhírese ao aceiro, co que se obtén o formigón armado. Pode utilizarse como aglomerante para a construción de pontes, estruturas, vigas e beirís. Máis información