Revoltallo de termos. A tecnoloxía en Galego.

Listaxe de termos.

Para calquera suxesión ou corrección dos datos engadidos escribide un comentario no post da actividade

Ordear por · [data] · [alfabético] · [especialidade]

Páxina 1
Listadas 8 das 8 que comezan por S ordeadas alfabeticamente dun total de 212

Todas A B C D E F G H I J K L M N O P Q R S T U V W X Y Z


Sarxento (Ferramentas) É unha ferramenta que serve para suxeitar firmemente dúas ou máis pezas que van ser mecanizadas ou pegadas entre si. Utilízase tamén para suxeitar firmemente a peza na que vaiamos traballar sobre o banco ou mesa de traballo. En xeral, o seu mecanismo baséase en dúas mandíbulas unidas por unha guía que son as que premen as pezas. A presión conséguese mediante a utilización dun parafuso nunha delas ou nas dúas.

Sen fíos (Comunicación) Chámase sen fíos á comunicación que non se transmite por cables, senón a través de ondas electromagnéticas, coma por exemplo a radio, as emisións televisivas, os sistemas wifi ou o sistema bluetooth. Cando a comunicación se realiza a través dunha conexión física por cables chámase comunicación con fíos. Máis información

Serra (Ferramentas) Unha serra é unha ferramenta que serve para cortar obxectos duros como, por exemplo, a madeira. Normalmente conta cunha folla de aceiro dentada suxeita a un mango. Pode ser manual ou estar conectada a unha fonte de enerxía.

Serrón (Ferramentas) Ferramenta que serve para cortar madeira; consta dun mango e unha folla de aceiro ancha, con dentes de serra en un dos seus bordos.

Sinal (Tecnoloxía) Cantidade dunha magnitude eléctrica, acústica, óptica, etc., que pode empregarse para transportar información relativa a comunicacións, control, datos, cálculos, etc.

Sinal analóxico (Electrónica) Termo utilizado en contraposición de “dixital”, para indicar aqueles dispositivos, variables ou sinais, de carácter non numérico, que representan os datos de modo continuo –analóxico-, en correspondencia cun determinado fenómeno físico.

Sinal dixital (Electrónica) Sinal que, a diferenza do sinal analóxico, soamente pode tomar dous valores determinados e que representa a evolución do fenómeno cada certo período de tempo. Estes sinais poden tratarse coma un sistema binario, e son os utilizados nos ordenadores, teléfonos móbiles, calculadoras, etc.

Soprete (Ferramentas) Aparello tubular no que se inxecta por un dos seus extremos unha mestura de osíxeno e un gas combustible, acetileno, hidróxeno, etc. que cando sae polo extremo oposto produce unha lapa de alto potencial calórico, utilizada para soldar e cortar metais.