Revoltallo de termos. A tecnoloxía en Galego.

Listaxe de termos.

Para calquera suxesión ou corrección dos datos engadidos escribide un comentario no post da actividade

Ordear por · [data] · [alfabético] · [especialidade]

Anterior · 1 2 3 4 5 6 7 8 9 10 Páxina 11 12 13 14 15 · Seguinte
Listadas 15 dun total de 212 ordeadas por nome

Todas A B C D E F G H I J K L M N O P Q R S T U V W X Y Z


Curtocircuíto (Electricidade) Conexión de baixa resistencia a través dunha fonte de tensión ou entre dous puntos dun circuíto que normalmente orixina unha circulación excesiva de corrente que pode provocar danos.

Crebanoces (Ferramentas) Instrumento que serve para crebar noces e outros froitos secos, como as abelás.

Cravo (Mecánica) Pequena barra de metal rematada en punta e cunha cabeza no extremo oposto que se usa para unir pezas. O normal é chantar os cravos na peza coa axuda dun martelo ou unha pistola de cravos pneumática. Máis información

CPU (Unidade Central de Procesamento) (Informática) Circuíto integrado principal do ordenador. É o seu cerebro, xa que nel residen a Unidade de Control (UC) encargada de xestionar todos os recursos, e a Unidade Aritmético Lóxica (ALU), encargada da realización de cálculos. Hoxe en día o termo CPU aplícase xeralmente a todos os microprocesadores.

Cortiza (Materiais) A cortiza é a casca exterior feita de materia morta e dura da sobreira e dalgunhas outras árbores. Úsase para revestimento de paredes, chans, etc. Máis información

Cortalumes (Informática) Un cortalumes (firewall en inglés) é unha parte dun sistema ou dunha rede que está deseñada para bloquear o acceso non autorizado, permitindo ao mesmo tempo comunicacións autorizadas.

Convertedor A/D (Electrónica) Un convertedor é un dispositivo electrónico encargado de transformar un sinal analóxico nun sinal dixital e viceversa. O convertedor analóxico/dixital utilízase, por exemplo, nun termómetro dixital, xa que debemos transformar o sinal analóxico da temperatura nun sinal dixital que se poida amosar na pantalla. O convertedor dixital/analóxico necesitámolo, por exemplo, para poder escoitar música dun CD. O sinal dixital gravado no CD transfórmase nun sinal eléctrico analóxico que vai aos altofalantes.

Controlador Lóxico Programable (Control e Robótica) Un Controlador Lóxico Programable ou PLC (Programmable Logic Controller), tamén chamado autómata programable, é un dispositivo electrónico utilizado na automatización industrial. Mediante programas almacenados no seu interior e diversos sensores, controlan o funcionamento das máquinas e procesos industriais e poden comunicarse con outros controladores e con ordenadores. A diferenza dos ordenadores, os PLCs están deseñados para traballar en ambientes industriais e non se quedan colgados.

Contrasinal (Informática) Sinal que leva certa palabra o número para identificala ou diferenciala doutras e en especial, signo (palabra, frase, etc.) usado por dúas ou máis persoas para se identificaren entre si ou como sinal de algo.

Contraforte (Estruturas e Arquitectura) Contraforte é a obra maciza que, acaroada a un muro ou parede, serve para reforzar os puntos de apoio de arcos ou trabes, ou ben o mesmo muro. Máis información

Conexión (Electricidade) Contacto entre dúas partes dun sistema mecánico ou eléctrico, ou tamén unha conexión entre cables ou circuítos.

Condutividade eléctrica (Electricidade) É a capacidade dun material para permitir o paso da corrente eléctrica. Canto maior sexa a condutividade dun material, menor será a resistencia que opón ao paso da corrente.

Computador (Informática) Un ordenador, computadora ou computador, é unha máquina que realiza cálculos e controla operacións expresadas en termos lóxicos e numéricos. O ordenador é un sistema dixital con tecnoloxía microelectrónica, capaz de procesar datos a partir dun grupo de instrucións denominado programa. A estrutura básica dun ordenador inclúe microprocesador (CPU), memoria e dispositivos de entrada/saída (E/S), xunto ós buses que permiten a comunicación entre eles.

Compás (Tecnoloxía) Instrumento que serve para a orientación no que están representados os puntos cardinais, cunha agulla que indica a dirección norte. Ten o seu fundamento na propiedade das agullas magnetizadas de orientarse na dirección do campo magnético terrestre.

Coitelo (Ferramentas) Instrumento que consta dunha folla de metal con fío por un dos lados e unida a un mango, que se usa para cortar diferentes cousas.