Revoltallo de termos. A tecnoloxía en Galego.

Listaxe de termos.

Para calquera suxesión ou corrección dos datos engadidos escribide un comentario no post da actividade

Ordear por · [data] · [alfabético] · [especialidade]

Anterior · 1 2 3 4 5 6 7 8 9 10 11 12 Páxina 13 14 15 · Seguinte
Listadas 15 dun total de 212 ordeadas por nome

Todas A B C D E F G H I J K L M N O P Q R S T U V W X Y Z


Cámara Dixital (Comunicación) É unha cámara fotográfica que, no canto de capturar e almacenar fotografías en películas fotográficas como as cámaras fotográficas convencionais, faino dixitalmente mediante un dispositivo electrónico, ou en fita magnética usando un formato analóxico como moitas cámaras de vídeo.

Caixa de texto (Informática) Espazo que os programas abren nos lugares onde o usuario deberá introducir información mediante o teclado. Por exemplo, agora estamos a escribir nunha caixa de texto.

Caixa de ingletes (Ferramentas) A caixa de ingletes ou ingletadora é unha ferramenta que permite realizar cortes en ángulo. Adoita utilizarse cunha serra de costela ou unha serra de arco. Algunhas están deseñadas de tal maneira que o usuario pode escoller calquera ángulo de corte, pero as máis simples só presentan fendas para realizar cortes a 45º e 90º.

Cadro xeral de protección e mando (Instalacións) Conxunto de aparellos, centralizados nunha caixa ou pequeno armario, especialmente deseñado e calculado para a protección de persoas, instalacións e receptores de calquera fallo que se produzan nunha instalación.

Cadro de diálogo (Informática) En interfaces gráficas de usuario, un cadro de diálogo é unha xanela especial para amosar información ao usuario ou para obter unha resposta. Son chamados así porque permiten unha especie de diálogo entre o sistema e o usuario.

Cable de rede (Comunicación) Un cable de rede é un cable que serve para conectarse a Internet ou para conectar varios ordenadores entre si. Este cable utiliza un conector RJ-45.

Buxía (Electricidade) Unha buxía é un dispositivo que ao serlle aplicada unha grande diferenza de potencial (da orde dos 20000 voltios) produce unha faísca, que provoca a inflamación dunha mestura combustíbel nun motor a explosión. Máis información

Brosa (Ferramentas) É unha ferramenta que serve para cortar leña. Está formada por unha folla grosa, polo xeral en forma de trapecio, con gume por un lado e unida a un mango de pau. Este nome utilízase na zona norte de Lugo e de A Coruña. Noutras zonas chámaselle machada.

Bosquexo (Debuxo técnico) É un deseño a man alzada, utilizando papel, lapis e goma, xeralmente realizada sen instrumentos de debuxo auxiliar. Pode ser un primeiro apuntamento do obxecto que aínda non se desenvolveu completamente definido.

Blogue (Informática) Un blogue ou blog (en inglés web + log) é unha web onde hai mensaxes ou publicacións ordenadas cronoloxicamente sobre un tema en particular a modo de diario en liña. Máis información

Billa (Mecánica) Cano con chave para abrir ou pecha-la saída dun líquido.

Bigornia (Ferramentas) Peza de aceiro alongada e cos extremos aguzados, sobre a que se machucan as solas dos zapatos, metais, etc. para darlles forma.

Berbequí (Ferramentas) O berbequí é unha antiga ferramenta manual usada en carpintería e ebanistería para facer furados na madeira con moita precisión a través dunha barrena.

Banda larga (Comunicación) Conxunto de tecnoloxías que permiten a transmisión integrada e simultánea de diferentes tipos de información a unha velocidade suficiente para o acceso a un ou varios servizos multimedia. Por exemplo, suficiente para cursar simultaneamente os sinais de telefonía, datos e TV. En castelán: banda ancha. En portugués: banda larga .En inglés: broadband

Baixante (Instalacións) Nunha construción é a tubaxe de desaugue. Son canalizacións verticais encargadas de conducir as augas sucias ata a parte máis baixa dun edificio.