Revoltallo de termos. A tecnoloxía en Galego.

Listaxe de termos.

Para calquera suxesión ou corrección dos datos engadidos escribide un comentario no post da actividade

Ordear por · [data] · [alfabético] · [especialidade]

Anterior · 1 2 3 4 5 6 7 Páxina 8 9 10 11 12 13 14 15 · Seguinte
Listadas 15 dun total de 212 ordeadas por nome

Todas A B C D E F G H I J K L M N O P Q R S T U V W X Y Z


Grampadora (Ferramentas) Instrumento ou ferramenta que serve para unir con grampas.

Grade (Ferramentas) Este aparello de labranza en forma de rella grande, de madeira ou de ferro, con dentes na parte interior, serve para achaiar a terra e desfacer terróns. Actualmente as grades son moi distintas as antigas. Son de metais e de moito maior tamaño; tamén son moito máis pesadas e van enganchadas aos tractores. As antigas, a diferenza das modernas, eran tiradas por vacas, bois ou cabalos.

GPS (Comunicación) GPS (lido 'gue-pe-ese') ou Sistema de Posicionamento Global é un Sistema Global de Navegación por Satélite (GNSS) que permite determinar en todo o mundo a posición dun obxecto, unha persoa, un vehículo ou unha nave, cunha precisión ata de centímetros usando GPS diferencial, aínda que o habitual son uns poucos metros. Funciona mediante unha rede de 27 satélites (24 operativos e 3 de respaldo) que están en órbita. Máis información

GNU (Informática) GNU é o sistema operativo desenvolvido polo proxecto GNU. O proxecto inclúe exclusivamente aplicacións libres, con licenzas que permiten as 4 liberdades da licenza GPL, e polo tanto facilitan o código fonte e permiten a súa modificación. Actualmente a única versión estable do sistema é GNU/Linux, que utiliza o cerne Linux. GNU pronúnciase "ñu" en galego, aínda que o máis habitual é deletrealo ("gue ene u"). Máis información

Fusibilidade (Materiais) É a capacidade que teñen os materiais de pasar do estado sólido ó líquido. Os metais puros funden a unha temperatura determinada, chamada punto de fusión. As aliaxes, dependendo da súa composición, poden fundir nun rango de temperaturas.

Freo de disco (Mecánica) Consta dunhas pastillas e un disco instalado no elemento que se desexa frear. Funciona pola fricción ou rozamento das pastillas cando fan presión no disco.

Freo de cinta (Mecánica) Consta dunha cinta metálica que fai presión nun tambor instalado no eixe que se desexa frear. Funciona por fricción ou rozamento.

Fouciño (Ferramentas) Instrumento de labranza de folla grosa e forte co mango máis pequeno có da fouce, que se utiliza para rozar. "Apañou o toxo co fouciño." SIN. fouce, gadaño. CF. podón.

Forxado (Estruturas e Arquitectura) Denomínase forxado a un elemento estrutural superficial capaz de transmitir as cargas que soporta e o seu peso propio aos elementos verticais que o sosteñen, deixando un espazo diáfano cuberto. Máis información

Forxa (Materiais) A forxa é o lugar de traballo do ferreiro ou forxador, ou arte que consiste en dar forma ao metal por medio do lume e do martelo.

Formigoneira (Ferramentas) Máquina onde se prepara e mestura o formigón.

Formigón (Materiais) É unha mestura de grava, area, auga e cemento, que fragua e torna dura. Ofrece unha gran resistencia á compresión. A súa densidade é variable e adhírese ao aceiro, co que se obtén o formigón armado. Pode utilizarse como aglomerante para a construción de pontes, estruturas, vigas e beirís. Máis información

Forcada (Ferramentas) Instrumento de traballo agrícola con tres ou catro dentes. "Meteu a herba na palleira coa forcada."

Fonte de alimentación (Electrónica) Na electrónica, unha fonte de alimentación é un dispositivo que converte a tensión alterna da rede de subministro, nunha ou varias tensións, practicamente continuas, que alimentan os distintos circuítos do aparello electrónico ao que se conecta (ordenador, televisor, impresora, router, etc.)

Folla de Lata (Materiais) A Folla de Lata é un produto laminado plano de aceiro revestido cunha capa de estaño. É un material ideal para a fabricación de envases de metal, porque combina a resistencia mecánica e conformidade do aceiro coa resistencia á corrosión do estaño.