Revoltallo de termos. A tecnoloxía en Galego.

Listaxe de termos.

Para calquera suxesión ou corrección dos datos engadidos escribide un comentario no post da actividade

Ordear por · [data] · [alfabético] · [especialidade]

Páxina 1 2 3 4 5 6 7 8 9 10 11 12 13 14 15 · Seguinte
Listadas 15 dun total de 212 ordeadas por nome

Todas A B C D E F G H I J K L M N O P Q R S T U V W X Y Z


Zoador (Electricidade) Receptor eléctrico que transforma a enerxía eléctrica en enerxía acústica. Funciona con corrente continua e poden ser de tipo magnético ou electrónico.

Xofre (Materiais) Substancia química, de cor amarela e olor característico, sólida, de número atómico 16 e símbolo S. Emprégase no proceso de vulcanización no que se quenta caucho en presenza de xofre para que adquira maior dureza e flexibilidade. Ademais, úsase como fertilizante e na fabricación de pólvora, mistos e insecticidas, entre outros.

Xigabyte (Informática) Unidade múltiplo do byte que equivale a 10⁹ bytes ou 1000 megabytes

Xerador (Electricidade) Máquina eléctrica cuxo obxectivo é converter en enerxía eléctrica calquera outra enerxía (mecánica, química...). O seu funcionamento depende do fenómeno de indución electromagnética. Existen diversos tipos de xeradores eléctricos: Síncrono, Asíncrono e de Corrente Continua. Máis información

Xanela (Informática) En informática dise do marco gráfico do escritorio dun sistema operativo que soporta unha aplicación, programa ou documento. Tamén se di fiestra ou ventá.

Voltaxe (Electricidade) A tensión ou voltaxe (V), é a enerxía por unidade de carga que proporciona unha pila ou fonte de alimentación. Mídese en Voltios (V) e mídese co voltímetro. Máis información

Videoxogo (Informática) Os videoxogos son programas informáticos de carácter lúdico utilizados en ordenadores ou videoconsolas. Poden ser de moitos tipos. Máis información

Verniz (Materiais) Substancia que se aplica a unha superficie para darlle brillo e protexela.

Vasoiriña (Electricidade) Bloque de grafito, con ou sen cobre, utilizado para facer contacto eléctrico entre unha superficie fixa e outra móbil dunha máquina eléctrica

Ultrasóns (Control e Robótica) É un son de frecuencia superior a 20000 Hz que non pode ser percibido polo ser humano, aínda que si poden percibilo algúns animais. Utilízase para facer sensores ultrasónicos que utilizan os robots para detectar a presenza de obxectos. Utilízanse tamén nos aparellos para facer ecografías. Máis información

Tubaxe (Instalacións) Canalización que adoita ser de PVC e que conduce os residuos cara á súa evacuación, cun percorrido lixeiramente inclinado e un trazado o máis sinxelo posible para conseguir unha circulación natural por gravidade, evitando cambios bruscos de dirección.

Trollo (Ferramentas) É unha ferramenta que consiste nunha folla metálica cunha agarradoira. Utilízase para aplicar morteiro ou xeso sobre unha parede.

Troiano (Informatica) Un troiano ou cabalo de troia é un programa informático considerado malicioso, xa que permite controlar unha máquina remotamente sen consentimento do usuario. Funciona cunha estrutura cliente-servidor; os troianos veñen como mínimo con dúas partes, unha a parte servidor e outra a parte cliente, tamén poden traer outros programas para configurar estes dous. A parte servidor colócase no ordenador que se quere controlar, e desde a parte cliente controlamos ao servidor. Máis información

Trencha (Ferramentas) Ferramenta de carpinteiro para desbasta-la madeira, formada por un mango e unha folla plana de metal, grosa e longa, afiada no extremo. Máis información

Transmisión por cadea (Mecánica) É unha transmisión que consta de dúas rodas dentadas unidas por unha cadea. Transmite movemento circular entre eixes distantes. Pode ser multiplicadora ou redutora de velocidade. Nas bicicletas, a roda pequena chámase piñón e a grande chámase catalina ou prato.