Control e robótica

tecnoloxia.org

Brazo robot

Descrición

industrial-robots

[By ISAPUT CC By-SA from wikimedia]

Din que o 95% dos robots que existen no mundo son robots industriais, así que se queremos aprender robótica non está de máis traballar o control dun brazo robot que simule os que hai na industria.

O primeiro que temos que facer e facernos cun brazo robot. Os orzamentos dos centros non dan para moito, pero hai opcións económicas e ben accesibles para os centros de secundaria e que se poden controlar con Arduíno. Se tes impresora 3D ou máquina de corte láser (ou algún sitio no que che fagan o corte) podes fabricarte un.

Estes son algúns exemplos:

MeArm (corte cnc ou láser)

mearm

[By Mime Industries]

LittleArm (impresión 3D)

littlearm

[By littlearmrobot.com]

Servo-Arm (impresión 3D)

[by Heartman from Thingiverse]

BrazoRobot  (impresión 3D)

agomezgar_conjuntogeneral

[By Antonio Gómez from FreeCAD]

EEZYbotARM (impresión 3D)

eezybotarm

[By daGHIZmo CC-By_NC from thingiverse]

Hai outras opcións máis con 6 graos de liberdade, como esta ou esta, pero pode ser excesivo para traballar en secundaria.

Nós imos traballar cun MeArm. É pequeno, doado de montar e funciona moi ben.

Conexión básica:

Os servos debemos conectalos con alimentación externa de 6V (non facelo coa alimentación que proporciona a placa Arduíno) e deben conectarse en pins dixitais PWM.

mearm_wiring

Despois, segundo o que uses para controlar o brazo robot, engade novos elementos ao circuíto.

Propostas

  • Control manual. Elixe potenciómetros ou joysticks segundo o material do que dispoñas. Recomendo joysticks.
    • con potenciómetros: A posición de cada servo contrólase cun potenciómetro, mellor se é lineal. Cada posición do cursor do potenciómetro ten a súa equivalencia en graos de xiro do servo que controla.
    • con joysticks: O movemento dos servos contrólase mediante dous joysticks, con dous potenciómetros cada un. Como o joystick volve sempre á posición central de repouso o movemento do cursor de cada potenciómetro do joystick provocará un aumento o diminución do ángulo de xiro e na posición central non fai nada.
  • Movemento automático: Cada vez que detecta a presenza dun obxecto nunha posición determinada cólleo e deposítao nunha caixa. Na posición na que se colocan as pezas debes introducir algún sensor que detecte a presenza, que pode ser un simple microinterruptor final de carreira. Debes programar os movementos precisos para que o brazo sexa quen de coller a peza e introducila unha pequena caixa.
  • Clasificación de pezas: Cada vez que detecta a presenza dunha peza branca ou negra nunha posición determinada, distingue a súa cor e deposítaa na caixa correspondente. Pode ser a ampliación da proposta anterior, á que se lle engade un sensor óptico capaz de destinguir entre branco e negro.
  • Control mediante unha app para Android: Utiliza App inventor para deseñar unha app que controle o movemento dos servos. Utiliza un módulo bluetooth para a comunicación co Arduíno.
  • Visualizadores: Engade unha pantalla LCD que mostre a posición do brazo, o número de pezas clasificadas, ou o que queiras.

 

Tweet about this on TwitterShare on FacebookShare on Google+Email this to someone


     

Deixa unha resposta

Required fields are marked *.