Control e robótica

tecnoloxia.org

Comunicación por IR

Descrición:

ir_mandosensor

[tecnoloxia.org CC By-SA]

Nesta sección imos comunicarnos coa nosa placa Arduíno a través dun mando e un receptor de infrevermellos (IR). Lograremos acender e apagar LEDs premendo nas teclas do mando. Despois podes adaptar os programas para actuar sobre outros elementos do teu proxecto (motores, servos, displays, etc.)

Imos utilizar o mando que aparece na imaxe, pero tamén poderiamos facer probas cun mando da televisión dos que temos por casa. Nese caso previamente debemos identificar o código que envía cada tecla e facer o programa en función do mesmo.

Montaxe:

Segundo o teu modelo de receptor IR, debes identificar os pins VCC, GND e sinal. Se os conectas mal podes estragar o teu receptor e xa non conseguirás nada. Consulta o datasheet.

ir-receivers-900

[CC from arduino]

O sinal do receptor IR debe conectarse nunha entrada dixital. Imos conectalo no pin 3. Tamén imos engadir dous LEDs con resistencias de 220Ω.

ir_esquema

Programas:

O primeiro que debemos facer é instalar unha librería que me permita empregar un mando. Eu usei a librería IRremote que vén neste enlace de GitHub.

1. Códigos

Este programa ímolo utilizar para ver o código que emite cada tecla en hexadecimal. Abre a consola, preme en cada unha das teclas e copia o resultado para poder programar despois en función deses valores.

2. Leds

Imos acender e apagar un leds premendo nas teclas do mando. Modifica os valores hexadecimais segundo o teu mando e as teclas que desexes utilizar para o control.

Propostas:

  1. Mando da tele: Proba descubrir o código de varias teclas do mando da túa tele, equipo de música, etc.
  2. Control: Fai que premendo teclas do mando se executen diversos programas dos que xa tes feitos. Por exemplo, tecla1:escintileo, tecla2: melodía, tecla3:coche fantástico, tecla4: xiro dun motor cara á esquerda, tecla5: xiro cara á dereita, tecla6: parada, ou o que se che ocorra. Define funcións para cada un dos programas.
  3. Ascensor: Para o proxecto dun ascensor de 3 pisos, utiliza un mando para introducir o piso ao que desexas ir.
Tweet about this on TwitterShare on FacebookShare on Google+Email this to someone


     

Deixa unha resposta

Required fields are marked *.