Control e robótica

tecnoloxia.org

O coche fantástico

cochefantastico2

[by Fajar Abriono CC By-SA]

Descrición:

Imos ordenar que se acendan e se apaguen unha serie de LEDs un a un, de forma consecutiva.

No primeiro programa iremos sempre no mesmo sentido, e no segundo iremos primeiro cara adiante e despois cara atrás.

Programas:

1. LEDs consecutivos

leds7

[WikiFisica2013, CC BySA]

1. LEDs consecutivos: Neste programa utilizamos a función for para:

  • Configurar como saída os pins do 7 ao 13, evitando ter que facelo un a un.
  • Ordenar que se acendan e se apaguen os LEDs un a un, de forma consecutiva.

2. Coche fantástico

2. Coche fantástico: Para conseguir o efecto do coche fantástico engadimos un bucle descendente ao programa anterior.

Propostas:

  1. Sen apagarse: Fai que os LEDs se vaian acendendo consecutivamente sen apagarse, e despois se vaian apagando un a un, no mesmo sentido ou en sentido contrario.
  2. De dento a fóra. A ver se es quen de facer que os LEDs se vaian acendendo desde o centro ata o exterior e despois se vaian apagando en sentido contrario.
  3. Control de velocidade con potenciómetro: Conecta un potenciómetro a unha entrada analóxica e fai que ao variar a posición do cursor vaia aumentando ou diminuíndo a velocidade das luces do coche fantástico.
    Utiliza a función map: tempo=map(pot, 0, 1023, tempo1, tempo2);
  4. Visualizador de LEDs: Conecta un potenciómetro e fai que a medida que imos xirando se vaian acendendo cada vez máis LEDs facendo unha visualización do nivel.
    Utiliza a función map. Para 7 LEDs sería:  nivel = map(pot, 0, 1023, 0, 7)
  5. mfrey_led_bar

    [By MichaelFrey CC BY-SA via Wikimedia Commons]

    Con barras de LEDs: Para que os efectos de xogos de luces queden ben xeitosos podemos utilizar unha ou dúas barras de leds como as da imaxe da dereita. Só hai que conectar a cada pin unha resistencia de protección. Proba facer un coche fantástico con 10 Leds!
  6. Como queiras: Fai un xogo de luces diferente a estes e que quede chulo.

 

Tweet about this on TwitterShare on FacebookShare on Google+Email this to someone


     

Deixa unha resposta

Required fields are marked *.