Hai pouco vimos en 1º de bacharelato varios sistemas que aproveitan a enerxía das ondas no post sobre enerxía undimotriz.
Hoxe coñecín un novo sistema que acaba de poñerse en marcha en Escocia e que é capaz de proporcionar enerxía eléctrica a 9.000 fogares aproveitando a enerxía das ondas. Trátase do sistema Aquamarine Power – Oyster wave energy.
Unha plataforma baixo o mar sostén un pesado panel de forma vertical que é balanceado polas ondas. Grazas a este movemento actívase un sistema hidráulico que leva auga a unha central en terra, encargada de transformar a enerxía mecánica do movemento en enerxía eléctrica.
Aquí tedes un vídeo:
[youtube: Aquamarine Power – Oyster wave energy device]
Máis información con fotos en aquamarinepower.com
(Visto en tec.nologia.com)
