Xa están en marcha os premios Bitácoras 2010, así que invítovos a que votedes por tecnoloxia.org na categoría de educación ou de tecnoloxía. Tedes ata o 22 de outubro.
Clica na imaxe para votar. Na páxina só tes que elixir a categoría (educación) e darlle a un “+” que aparece á dereita. Ao final da páxina hai que introducir un código para confirmar o voto.
A ver se conseguimos clasificar a tecnoloxia.org entre os 10 primeiros blogues educativos como o ano pasado.
Non gañou un deses trompos, pero case. Tecnoloxia.org quedou no cuarto lugar cun accésit no IV Premio Espiral edublogs 2010 na categoría de “Blogs de profesor@s”, dun total de 446 blogues educativos presentados nesa categoría.
Un gusto que se recoñeza este traballo.
E seguiremos traballando…
Xa comezou a cuarta edición do Premio Espiral Edublogs10, convocado pola Asociación Espiral, Educación e Tecnoloxía.
Con estes premios preténdese:
Xa presentei o meu blogue tecnoloxia.org ao concurso. Se queres podes deixar alí unha mensaxe de apoio.
Se es profesora ou profesor e tes un blogue, anímate a presentalo. Máis alá dos premios, que son o de menos, o máis importante desta iniciativa é a difusión que se fai dos blogues educativos, e que se lle dea visibilidade ao traballo que se está a facer dende as aulas de ensino de tódolos niveis.
Máis información: http://edublogs10.ciberespiral.org
Non esperaba este éxito de tecnoloxia.org premios bitacoras.com, pero segundo a II clasificación parcial este blogue está entre os 10 mellores blogues de educación votados polo público.
Quero dar as grazas a todas as persoas que destes o voso voto, e animar a quen aínda non votou para axudar a que tecnoloxia.org non baixe desa posición. Aínda tedes ata o 30 de outubro.
Hai que rexitrarse aquí, e logo votar na categoría de educación.
Polo que vin, Capítulo 0 e tecnoloxia.org son os únicos blogues escritos nunha lingua diferente ao castelán que están entre os primeiros posicionados nas diferentes categorías, e esa lingua é o galego. Dende logo que é un bo apoio á presenza da lingua galega en Internet. Así que un voto tamén para Capítulo 0 na categoría de blogues gastronómicos.
Houbo que esperar á quinta edición dos Premios Bitacoras.com para que incluísen unha categoría de Educación.
É algo que sempre me chamou a atención en todos eses eventos blogueiros. Convócanse premios, encontros e mostras organizando a blogosfera en categorías do máis diverso, pero sempre botei en falta unha dedicada aos blogues educativos, presentes en internet dende que existen os blogues, actualizándose cada curso escolar, moitos de moitísima calidade, pero sempre esquecidos no macromundo blogosférico e funcionando en paralelo como conxunto de blogues independente do resto.
Din que a educación ten que saír das paredes das escolas, e que o centro da aprendizaxe está máis alá das actividades estrictamente educativas. Nestes tempos en que se está a empezar a apostar pola “escola2.0” e que moitos profesores e profesoras estamos a meternos de cabeza na rede, é de agradecer que dende un evento como os premios bitácoras.com se recoñeza cunha categoría o traballo que se está a facer dende as aulas de ensino de tódolos niveis.
Pois nada, creo que é unha interesante oportunidade mostrar a todo o público o que se está a facer en educación, esquecéndonos deses ámbitos edu-limitados nos que acostumamos a movernos, así que animádevos a votar os blogues educativos que máis vos gusten.
Lembrade que para votar previamente hai que rexistrarse.
Se queredes darlle un voto a tecnoloxia.org aquí tedes a ligazón.
