tecnoloxia.org

Tecnoloxía na Educación Secundaria

Non temas ás máquinas … excepto a Terminator

Ás máquinas non hai que terlles medo, só hai que tratalas con respecto. Están feitas para axudarnos, facernos as tarefas máis doadas ou ofrecernos servizos imposíbeis sen elas.

Sen embargo hai moita xente que non se fía delas, ten medo de usalas, non as entenden ou consideran que só complican as cousas.

Nunha estación de tren en Londres, despois de ver como moita xente prefería facer cola antes que usar unha máquina expendedora de billetes, decidiron poñer este cartel:

dontfearmachines.jpg
[Flickr: Don’t fear the machines]
“Non teñas medo das máquinas, excepto de Terminator”

É un xeito orixinal de animar á xente, pero o máis importante está da man da tecnoloxía, do deseño industrial: a usabilidade.

Para que a tecnoloxía chegue á poboación non é suficiente que o funcionamento da máquina sexa correcto. O interface persoa-máquina debe ser atractivo, intuitivo e doado de utilizar, e debe adaptarse a todas as persoas.

(Visto en nopuedocreer)

Deseña un teléfono móbil para as persoas maiores

Hoxe recórdanos microsiervos unha famosa frase de Henry Ford: “O verdadeiro progreso é o que pon a tecnoloxía ao alcance de tódalas persoas“.

Non tódalas persoas temos as mesmas capacidades físicas, intelectuais, económicas, etc. O mundo é diverso, e a tecnoloxía destinada ao uso das persoas ten que telo en conta para que os produtos cheguen a toda a sociedade.

Un exemplo témolo nos teléfonos móbiles. A xente máis nova demanda que o seu móbil teña o máximo de funcionalidades posíbeis ou que sexa pequeno para poder levalo no peto. Sen embargo iso é algo que non vale para todo o mundo. Pensade nas persoas maiores, que dificilmente se desenvolven cun teléfono dos que tedes vós. Como a tecnoloxía ten que chegar tamén a ese sector da poboación, o deseño de móbiles ten que ter en conta o que demandan.

En edheads.org propóñenos unha actividade na que tedes que deseñar un teléfono móbil especialmente indicado para persoas da terceira idade, probar a súa aceptación e logo comercializalo.

designcellphone2.jpg

Terás que ter en conta que o que as persoas maiores necesitan é:

  • Que sexa económico. Pensa que moitas persoas maiores viven cunha pensión mínima.
  • Debe ser grande, ou polo menos con botóns grandes que se vexan ben.
  • O contraste de cores tamén hai que telo en conta, pois coa idade pérdese a capacidade de distinguir unhas cores doutras.
  • O software non debe ser moi complexo. A pantalla debe presentar a información de forma clara.
  • Debe ser ergonómico, para que as persoas maiores con dificultades de mobilidade ou falta de forza nas mans podan manipular o móbil sen que se lles caia.

Podes acceder directamente á actividade dende aquí.

Terás que poñer a proba o teu nivel de inglés.
A ver que tal resulta o teu deseño. Sorte!

(visto en tecnoTIC)

Reciclando cassettes

Vou propoñer un novo proxecto, pero non vai ser para o alumnado de secundaria, monstros do mp3, senón para as persoas que xa temos uns anos e que aínda seguimos almacenando caixas con cintas de cassette que xa non temos onde escoitar, pero que non queremos tirar por nostalxia.

Teño que recoñecer que a min dáme mágoa desfacerme das cintas que me acompañaron durante anos, e tiralas non me parece a mellor opción, así que, buscando alternativas, atopei algunhas ideas que quero compartir.

A que me parece máis interesante é convertelas nun moble, como fixo o deseñador holandés Patrick Schuur cun armario feito a partir de 918 cassettes.

armario-cassettes1.jpg

Tamén hai outras opcións interesantes para facer cunha cantidade menor de cintas:

Pódense fabricar lámpadas,

lampada1.jpg

monedeiros, cintos,

bolsocinto.jpg

caixas,

caixa.jpg

bolsos e vestidos

ghost.jpg

Curioso é o proxecto Ghost in The Machine, de Iri5, no que a cinta magnética onde reside a música abandona a carcasa de plástico para reproducir a imaxe do artista,

ghost.jpg

ou a tipografía Tapeography creada polo deseñador turco Ersinhan Ersin.

tipografia.jpg

Se tes sentido artístico sempre podes facer unha escultura

mark_creegan_2.jpg

Algunha idea máis?

E claro, non podía faltar Kiko Veneno:
“Ponme esa cinta otra vez, pónmela hasta que se arranquen los cachitos de hierro y de cromo al cantar como tú sabes”


[Goear: Kiko Veneno. En un mercedes blanco]

Letras con fotografías

Queres formar unha palabra utilizando imaxes de edificios vistas dende o ceo?
Geogreeting é unha aplicación que che permite facelo facilmente. Mira o resultado:

Tecnoloxia.org

Ademais, podes ver nun mapa o emprazamento dos edificios.

Xa vos ensinei hai un tempo unha aplicación para conseguir letras de imaxes de Flickr, pero hai moitas máis letras feitas con fotografías:

E se facemos nós as nosas propias letras?

Xuntádevos por parellas e con axuda dos vosos teléfonos móbiles ou cámaras dixitais sacade fotografías que axuden a construír a frase “Taller de Tecnoloxía“.
Axudádevos con cousas que teñan que ver coa tecnoloxía (cables, mecanismos, compoñentes, …)
Logo recortarémolas e redimensionarémolas en clase.
As mellores fotos utilizarémolas para facer un cartel de entrada no taller de tecno.…