tecnoloxia.org

Tecnoloxía na Educación Secundaria

Xogos: desmontando trebellos

Quen se puxo algunha vez a desmontar algún trebello coma unha radio, disco duro ou disqueteira seguro que pasou tempo investigando onde está ese parafuso que hai que quitar primeiro para chegar máis ao fondo.

Grazas a juegos.microsiervos descubrín uns xogos que van sobre iso.

dismantlement-radio.jpg

Trátase de xogos de escape, deses nos que tes que buscar e utilizar obxectos para escapar dunha habitación, pero neste caso non hai habitación senón que trátase de desmontar unha radio, un disco duro, un ventilador, un rato de ordenador, unha tostadora ou un reloxo espertador.

Os xogos de escape enganchan e son moi bos para romperte a cabeza, aínda que para pasar o tempo recomendo mellor coller un desaparafusador de verdade e desmontar calquera trebello estragado e en desuso. Por exemplo desmontando un disco duro vello consegues uns imáns estupendos e un motorciño que pode valer para calquera proxecto.

Veña, aproveitade para entretervos estes días previos ao comezo de curso, que xa queda pouco.…