tecnoloxia.org

Tecnoloxía na Educación Secundaria

The Senster: Primeira escultura robótica

Os museos máis vangardistas de arte contemporánea programan mostras de arte robótica e interactiva. Un exemplo é o evento internacional e anual Artbots.

Pero non creades que é unha idea actual. En 1970 Edward Ihnatowicz creou “The Senster”, un robot hidráulico controlado por ordenador e que interactuaba co público grazas a unha serie de sensores de movemento e son. Unha escultura completamente innovadora para a época, e a primeira do xénero.

Aquí podes ver a Senster en acción:

[youtube: The Senster]

(Ver en slidemypicks)

Tes máis información sobre este traballo en senster.com (Visto en: interactivearchitecture.org)

Neste vídeo podes ver unha pequena mostra da arte robótica actual:

[Robotic art from miguel angel arnaiz on Vimeo.]

Escultura en granito

Antonella TiozzoSe che gusta a escultura e queres saber como se traballa o granito, aínda estás a tempo de ver in situ o traballo de oito escultoras e escultores que están a executar as súas obras diante do Centro Veciñal e Cultural de Valladares (Vigo).

O obxectivo principal do Simposio Europeo de Escultura “Arte e Tecnoloxía” é dotar de esculturas ao entorno do Parque Tecnolóxico e Loxístico de Vigo.

O material das obras é principalmente granito de diversas calidades e zonas da provincia de Pontevedra: Rosa de Porriño, Negro de Campolameiro, Gris de Mondariz, Albero do Galiñeiro, Azulado de Couso, Gris de Salvaterra, Silvestre do Monte Alba, etc.

Bo material elixido nun país feito de pedra, e máis na área metropolitana de Vigo, na que unha das industrias con maior peso é a extración, transformación e comercialización de granito.

Se che interesa a profesión podes informarte na Escola de Cantería da Deputación de Pontevedra.…