tecnoloxia.org

Tecnoloxía na Educación Secundaria

Calendario dodecaédrico para o 2016

deskcalHabendo calendarios dixitais para consultar desde o móbil ou ordenador xa non é tan necesario ter enriba do escritorio un calendario de papel, pero se vos fai ilusión podedes imprimir e montar un calendario dodecaédrico coma este da imaxe.

Na web 12 sided calendar podedes descargar o modelo para construír un calendario en forma de dodecaedro regular ou rómbico. Permite elixir múltiples idiomas, entre eles o galego.

Descarga aquí o dodecaedro regular en galego (pdf). Para que quede máis consistente é mellor imprimilo nun papel algo groso.

Se preferides outros poliedros para o voso calendario, en cleavebooks.co.uk tedes varios modelos para imprimir.…

Mecánica de papel

Como van chegar uns días de choiva vou propoñer unha actividade para facer na casa e que pode gustar aos máis peques. Trátase de construír autómatas mecánicos de papel. Ensamblando distintas pezas construídas con papel obtemos os sistemas mecánicos básicos: levas, cegoñais, bielas, manivelas, pancas, … e  podemos conseguir moitos tipos de movementos.

Na web de robives.com hai moitos modelos moi chulos que se poden descargar, imprimir e montar. Hai que pagar arredor de 2.50 libras por cada modelo.

machine-animal-01 asheep-b01 loveboat-a01

guarddog-c01 henpecked-a01 cow-a01 oct-ani03

Cómpre imprimilos nun papel algo groso para lles dar resistencia. Se a impresora da vosa casa non o permite, nunha fotocopiadora dun comercio poden facervos a impresión en cartolina.

 

Do mesmo autor son os xa clásicos modelos de Flying Pig. Neste caso non tedes que imprimir, xa que o que mercades é un caderno recortable, xa coloreado.

anicatwalkmid amex aiop impatience

 

En creativecenter.brother.eu podedes descargar de balde moitos proxectos, algúns deles móbiles. Hai que rexistrarse, seleccionar o que vos guste, imprimilo e montalo.

dotdash Crab T2  

Outros autómatas para descargar de balde atopámolos en mecatronica-cbtis122:

  jade_dragon ras

 

E se vos animades, podedes darlles algo máis de vida a estes bechos conectándoos a un servo controlado cunha tarxeta arduino, engadir luces, son, sensores … Aquí vai unha idea, pero as posibilidades son infinitas:

[Paper Automata + Continuous Servo from Seungkyun Lee on Vimeo] (Visto en makingtoys.net)

 

Estes son só uns exemplos, pero hai moitos máis. Buscade un pouco por Internet e veredes que hai unha chea de autómatas de papel para descargar.…

Papiroflexia bailando

Imos celebrar que chega unha fin de semana soleada cun baile de figuras de papiroflexia, obra do artista xaponés Ugoita. Os paxaros teñen uns pés metálicos que se moven pola acción de campos magnéticos creados baixo a plataforma.

dancing-origami