tecnoloxia.org

Tecnoloxía na Educación Secundaria

Vehículo con patas-rodas

Un dos problemas que teñen os vehículos con rodas é a súa dificultade para moverse por chans que non sexan lisos. Para salvar obstáculos non hai cousa mellor ca unhas patas, pero iso é algo que engade dificultade a nivel construtivo. Hai unha opción intermedia: As patas-rodas. Vino en makezine e paréceme unha sinxela e curiosa opción para construír vehículos todo terreo.

whegs_1

Estes pequenos vehículos utilizan pezas en forma de C obtidas dun tubo de PVC, motores de corrente continua con redutora e un circuíto eléctrico simple.

Hai dúas versións: con dúas patas e con catro. En makezine explícannos todos os pasos para construílos.

Este de dúas patas é o máis simple:
[youtube:How to make a simple running / hopping robot]

Este de catro patas é capaz de moverse por (case) calquera superficie:
[youtube:How to make a all-surface moving Robot- The Mover]

 

Máis información en Make Simple Running Robots Using “Whegs”

TecnoBaiona na Competición de robots da UVigo

Parabéns aos equipos de Tecnoloxía do IES Primeiro de Marzo de Baiona que participaron na II Competición de robots da Escola de Enxeñería Industrial da Universidade de Vigo. Un gran traballo!


(Imaxe de GCiencia)

En total participaron 157 equipos de toda Galicia, con cerca de 900 alumnos e alumnas. O noso centro levou tres equipos de 1º de Bacharelato (Tecnoloxía Industrial I) e 2 equipos de 4º da ESO (Tecnoloxía PDC).

Dos equipos de 1º de Bacharelato, o robot Jägger acadou o segundo posto, e iso que remataron a carrocería o mesmo día da competición, antes de saír. O equipo Erfundertuxx fíxoo tamén moi ben, chegou á final con moi boa puntuación e quedou finalmente nun cuarto posto. O equipo Uneuntres non chegou á final, pero fixo moi ben a proba do segue liñas.

jagger erfundertuxx uneuntres

Dos equipos de 4º da ESO, o robot Baioia acadou o 4º posto. Un golpe de mala sorte fixo que saíse da pista de sumo e non acadase premio, pero fixo un  fantástico traballo. O robot Chispi non se clasificou para a final, a pesar de ser o máis rápido na proba da liña nas dúas quendas, con boa diferenza respecto aos robots contrincantes.

baioia chispi

Parabéns a todos!

Un vídeo da competición:

[youtube:Combate de robots en la Universidad de Vigo]

Aquí tedes varias novas que falan da competición:

 …

Programa da II Competición de robots da EEI

Este venres 29 iremos á II Competición de Robots da Escola de Enxeñería Industrial da Universidade de Vigo.

Asignación de tapices

Os tapices asignados aos nosos equipos son os seguintes:

  • Tapiz 4   –   Baioia (4ºESO): Jonathan, Marcos, Chavela, María
  • Tapiz 5   –   Chispis (4ºESO): Raúl, Jennifer, Yago, Adrián
  • Tapiz 8   –   Jägger (1ºBach): Tomás, Rubén, Brais, Alejandro
  • Tapiz 9   –   Uneuntres (1ºBach): Lara, Lucía, Iago, Ismael
  • Tapiz 10 –   Erfundertuxx (1ºBach): Rubén A, Manuel, Brais G, Jorge

PlanoCompeticionRobotsOs equipos deberán inscribirse antes da competición.

  • Os equipos de 4º ESO deberán realizar a inscrición na Aula 1
  • Os equipos de Bacharelato deberán realizar a inscrición na Aula 6

Programa:

10:00–11:00  Inscrición e adestramento categoría WALL-E
11:00–11:30  Primeira proba: Segue liñas
11:30–12:00  Segunda proba: Sumo
12:00–13:00  Finais por categoría
12:30–13:00  Inscrición e adestramento categoría R2D2
13:00–14:00  Competición categoría R2D2
14:00–14:30  Entrega de premios

Ficheiros (pdf):

II Competición de robots da Universidade de Vigo

A Escola de Enxeñería Industrial (EEI) da Universidade de Vigo convoca a segunda edición da Competición de Robots en colaboración coa Rama de Estudantes do IEEE (Institute of Electrical and Electronics Engineers) da Universidade de Vigo.

makeblockCelebrarase nas instalacións da Escola de Enxeñería Industrial (Campus Universitario Lagoas-Marcosende, Vigo) o vindeiro venres 29 de abril de 2016 a partir das 10:30 horas, e será unha proba puntuable para a Liga Nacional de Robótica de Competición (LNRC).

Hai dúas categorías diferentes: WALL-E para alumnado de Educación Secundaria e Bacharelato e R2D2 para alumnado de Formación Profesional e Universitario.

Na categoría WALL-E cada equipo de entre 3 e 6 alumnos/as deberá inscribirse antes do 31 de xaneiro e aboar a cota de 40€ que inclúe un kit de robótica que será entregado ao centro de ensino e co que poderán preparar a proba de Rastrexo e a de Sumo.

Os kits nesta edición son diferentes aos de BQ que se utilizaron o curso pasado, desbotados pola organización debido aos problemas que deron. Este ano decántanse polos de makeblock. O software de programación visual que usan só funciona con Windows, aínda que, ao estar a placa baseada en Arduino UNO, se pode programar directamente co IDE de arduino ou con calquera contorna de programación gráfica que xere o código, como visualino.

Tedes as bases da competición na seguinte dirección: http://www.eei.uvigo.es/eei_gl/alumnos/robots/.

cabecera_robots.jpg_1854410254

A ver se podemos levar algún grupo de Baiona.…

Impresión 3D dunha ponte de aceiro

Cando pensamos nunha impresora 3D o primeiro que nos vén a cabeza é unha máquina en forma de caixa na que se imprimen unha pequenas pezas de plástico, pero esta tecnoloxía está evolucionando tan rapidamente que xa estamos a ver robots imprimindo estruturas de todo tipo, sen limitarse a unha caixa cadrada na que todo sucede.

MX3D_Bridge

Un exemplo de impresión de estruturas xa o vimos hai tempo no artigo “A impresora 3D capaz de imprimir edificios” no que se observa unha impresora botando chorros de formigón para “imprimir” a estrutura dun edificio.

Hoxe imos ver que tamén podemos imprimir aceiro. A empresa MX3D pretende construír unha ponte de aceiro sobre un canal de Amsterdam utilizando robots industriais e aplicando unha novidosa técnica de impresión 3D que abre paso á creación automatizada de estruturas a gran escala.

Nesta animación presentan o seu proxecto:

[youtube: MX3D Bridge Visualisation]

Nestes vídeos podemos ver algunhas das probas realizadas pola empresa para construír unha pequena ponte de aceiro de pequenas dimensións.

[youtube: MX3D printing]

[youtube: MX3D to 3D print a steel bridge in Amsterdam]

 

Máis información en MX3D


1 2 3 12