robot

Lambetadas Baiona

por

“Lambetadas Baiona” é a máquina expendedora de caramelos que deseñaron, construíron e programaron os alumnos de Tecnoloxía Industrial I, e que gañou o segundo premio en Robocampeones 2010.

Aquí podedes ver un vídeo coa explicación do seu funcionamento:

[Lambetadas Baiona from María L on Vimeo.]
[Música: Manu Chao. Trapped by love + Le rendez vous]

Para coñecer máis detalles sobre a máquina podedes visitar a web:

http://lambetadas.jimdo.com

Podedes ver alí como se deseñaron e construíron os distintos sistemas e mecanismos, descargar os programas así como información sobre as máquinas expendedoras comerciais.

Aínda falta algún apartado por completar, pero agardo que o rematen esta semana.

Se queredes deixarlles algún comentario aos autores utilizade o libro de visitas.


Vídeo da viaxe a Toledo e Robocampeones 2010

por

Aquí vai o vídeo da viaxe que fixemos a Toledo e da competición Robocampeones 2010 dos días 26, 27 e 28 de maio, no que participou alumnado de tecnoloxía de 4º de ESO e 1º de Bacharelato, no marco do programa ARCE de agrupamentos escolares.


[Robocampeones 2010 from María L on Vimeo.]

Música:
[goear: Friends Theme – I´ll be there for you – The Rembrandts]
[goear: She – Green Day]


O robot Trololó

por

A canción do “Trololó” está tan de moda que non son unicamente os cantantes os que fan versións dela, senón que tamén se animan os robots.

Bótalle unha ollada a este vídeo:
[youtube: robot tralala](Visto en nopuedocreer.com)

É obra de Hideyuki Sawada, e en realidade non canta tan ben, pero a diferenza da maioría de robots que utilizan a electrónica e altofalantes para reproducir sons, este utiliza a pneumática facendo pasar aire a través dunhas cordas vogais artificiais.
Un sistema mecánico controlado por ordenador dálle á gorxa e á boca de silicona a forma necesaria para producir cada ton, permitindo que o robot poda falar e cantar case como se dun humano se tratase.

trololo1.jpg

Aquí podes ver vídeos reais dalgúns prototipos. Pode ser que nuns anos consigan cantar o “trololó” perfectamente sen ter que facer unha montaxe, pero polo de agora só emiten algúns sons que non chegan á calidade da fala humana.

[Lista de reprodución youtube: talking robots]


Robot de calceta

por

Cando deseñamos robotiños pensamos sempre en poñerlle unha estrutura de madeira, metálica, de plástico, … e por que non de calceta ou ganchillo?

Aquí tes un robot de la. Chámase RoboKnit “hello, world” e fixérono Osamu Iwasaki e Hanakomet:

crochetwalkingearth.jpg

Neste vídeo podes ver a RoboKnit camiñando:


[Vídeo en Flikr: RoboKnit “hello, world”]

Mágoa que ganchillar non é o meu, que se non…

(Visto en Make)


Seguiremos coa robótica!

por

lego-nxt.jpgConfirmado! O Ministerio de Educación concedeunos unha axuda para a ampliación do proxecto de robótica que iniciamos hai dous anos
“Didáctica da robótica para a diversidade educativa mediante a introdución do método Lego Mindstorms”
dentro da a convocatoria de Axudas para o establecemento de agrupacións de centros educativos para a realización e posta en práctica de proxectos comuns, na modalidade “B”.

Aínda temos que organizar a actividade, pero adiántovos que participará o alumnado de tecnoloxía de 4º ESO e de 1º de Bacharelato, e que este curso faremos o agrupamento co IES EL Greco, de Toledo, que esperamos que veñan a Baiona a participar nas xornadas de robótica que imos facer no Insti.

Se queredes saber como foron as xornadas do curso pasado podedes visitar o post: Fotos das xornadas de robótica Baiona-Velilla. Alí tedes este vídeo e as novas publicadas nos xornais.


[Xornadas de robótica Velilla-Baiona from María L on Vimeo.]

En maio pretendemos participar na competición de robótica “Robocampeones”. A ver se se repiten os resultados do curso pasado e traemos unha copa. Mirade a información no post “Baiona robocampioa!”
Tedes que traballar duro, pois só levarei aos mellores.

campions2.jpg
[Foto conxunta dos equipos gañadores en Robocampeones 09]