Fósiles do futuro

Como serán os fósiles que se atoparán dentro duns miles de anos?

Christopher Locke imaxínao nun dos seus traballos de arte contemporánea. Utiliza unha mestura de formigón para crear pezas que aparentan ser os fósiles do futuro. (Visto en planetagadget.com)

[Ver en Slidemypics]

Xa vedes, o que agora vos parece do máis actual en poucos anos vaise considerar tecnoloxía obsoleta, anque farían falta moitos máis anos para que se producise a fosilización (sen contar con que só se fosilizan os materiais orgánicos)


Bicicleta no Danubio

É moi habitual utilizar a enerxía da auga para xerar electricidade, pero tamén podemos aproveitala para mover unha gran escultura cinética, como esta bicicleta que hai en Budapest, movida polas augas do río Danubio.


(Vídeo en youtube: Danube bicycle , kinetic sculpture)

Observa o mecanismo, e atoparás o sistema biela-manivela.


Pilas con patacas

Podemos construír unha pila con limóns e dous electrodos de cobre e cinc para acender un Led ou un reloxo dixital. Algunha vez fixémolo en clase.

limonsled.jpg

Pero como aquí o que sobran son patacas, algún día probaremos facer unha pila con elas.

Kristof Kintera é un artista que aplicou isto nalgunhas das súas esculturas, nunha serie titulada “We´ve got the power!”:

we-have-power3.jpg

300 kg de patacas, 250 pares de electrodos de cinc e cobre, microchip controlador, pantallas LCD, reloxos dixitais, todos alimentados por enerxía eléctrica extraida das patacas.

Toda unha escultura tecnohortícola!
O malo é que é perecedoira:

we-have-power2.jpg


Cloaca Nº 5

Cloaca Nº5 é unha máquina-escultura que reproduce o sistema dixestivo humano, dende a masticación ata a excreción, e forma parte dunha serie de máquinas coa mesma función: Cloaca Factory.

cloaca01.jpg

Aliméntase dúas veces ao día cos restos da cafetería durante a exposición e, ao final do proceso, a máquina produce feces que logo envásanse ao baleiro.

cloaca04.jpg

O propio artista, Wim Delvoye, recoñece que esta máquina é inútil, que non vale para nada, pero como intervención artística que é ten un fin reflexivo, pois explora a actual cultura consumista e xeradora de resíduos.

Este tema precisamente está de actualidade no noso IES. A semana pasada o alumnado do ciclo fixo unha instalación e intervención educativa sobre os desperfectos e a xeración de lixo. Despois dos recreos vemos como unha manta de residuos cubre o chan dos patios e corredores: papeis de chicles, anacos de bocatas, servilletas, latas, … Consumimos, pero non pensamos en todo ese material inservible que producimos diariamente.

Necesitaremos instalar no insti unha máquina-cloaca que trate e recicle todo ese refugallo?

cloaca.jpg

A mellor opción é concienciarse, usar as papeleiras, consumir menos produtos envasados e reciclar. Pero iso depende de cada quen. Non necesitamos ningunha máquina para manter o instituto máis limpo. Ou si?