Cada día aparecen novos gadgets que incorporan a electrónica a obxectos que nunca a precisaron. De feito a electrónica non fai máis que ocupar cada vez máis espazo nas nosas vidas.
Agora parece que chegou a hora de incorporarse ás nosas mesas, xusto debaixo dos alimentos.
Drach e Dov ganchrow incorporan aos pratos un conductor metálico serigrafiado sobre a cerámica, de xeito que se conectamos unha fonte eléctrica xérase a enerxía calorífica necesaria para manter os alimentos quentes, todo iso sen deixar de lado un bo gusto na decoración.
Neste caso a decoración resulta ter unha utilidade a maiores da puramente estética, ou a resistencia ten forma artística e decorativa, segundo se queira ver. De novo arte e tecnoloxía camiñan xuntas.
Os escasos orzamentos cos que traballamos na educación secundaria, que nos conducen inevitablemente a botar man de material de refugallo para a construción dos prototipos desenvolvidos na aula, tamén nos axudan a ser conscientes da cantidade de lixo que xeramos e tiramos e que aínda se pode reutilizar.