Música tele-robótica

Vía Make, atopo inormación sobre un proxecto no que persoas de todo o mundo poden participar a través de internet para facer música: Telematic Drum Circle. Desgrazadamente xa non está dispoñible a pariticipación.

Trátase dun proxecto artístico presentado en ArtBots 08 que combina robótica, telemática, pneumática e música. (Ver esquema do control)

Consta dun conxunto de tambores dispostos en círculo que son manipulados a través de internet por usuarios e usuarias de todo o mundo, que deben sincronizarse para crear unha composición musical. A intención é promover a harmonía global en todo o mundo.

Aquí está o vídeo:

Outro proxecto de creación de robo-música telemática é Absolut Quartet, de Jeff Lieberman e Dan Paluska. Desgrazadamente, tampouco está accesíbel a participación.

Neste sistema, unha persoa a través de internet teclea unha melodía, e a máquina xera en tempo real unha peza musical baseada na música de entrada.

O principal instrumento é un lanzador de bolas de goma, perfectamente dirixidas para que reboten nunhas teclas de madeira. Tamén hai un conxunto de vasos de viño manexados por dedos robóticos, e un conxunto de instrumentos de percusión que completan o instrumento.

(Esta entrada dedícolla a Iván, polo seu robot-xilófono)


2 comentarios en “Música tele-robótica”

  1. Que ilusión… un post dedicado ^_^

    O de Absolut cheguei a probalo mentres funcionaba, pero na miña opinión improvisaba demasiado, e tocaba o que lle daba a gana, ademáis, como as bolas tardaban un rato en volver a poñerse en posición, só tocaba melodías lentas.

    Vendo os videos, o meu xilófono paréceme moi cutre XDDD

    Responder

Deixa un comentario