En días de temporal resulta impresionante ver as ondas do mar, capaces de levantarse a metros de altura e levar por diante todo o que se atopen no seu camiño. Non poderiamos aproveitar toda esa desbordante enerxía para producir electricidade?
A enerxía producida polo movemento das ondas chámase enerxía undimotriz, e algúns países da Unión Europea xa están a desenvolver tecnoloxías que permitan aproveitala e transformala en enerxía eléctrica.
Nesta infografía de consumer.es podemos ver como se pode aproveitar a enerxía das ondas:
Clica aquí para ver a infografía en pantalla completa
A costa galega, que con tódalas súas reviravoltas ten 1.659 km de extensión, aínda non conta con estes sistemas de xeración de enerxía eléctrica, pero nun futuro próximo chegaremos a velos, pois xa se están a dar os primeiros pasos: Wavecat, da USC.
Interesante e moi axeitado a esta costa nosa. Cumpría seguir investigando… pero dá unha preguiza…
Dálle tempo. Imaxino que nuns anos empezarán a instalarse nas costas galegas, pero todo depende do interese e da inversión que se faga.
O que me gustaría é que a instalación de enerxías limpas no noso país serva para substituír as centrais térmicas, e non como complemento a elas. A iso non sei se chegaremos.