Ando buscando novas ideas para os proxectos de automatismos electrónicos para 4º de ESO, e atopei unha páxina na que mostran moitos exemplos de proxectos feitos con circuítos electrónicos sinxelos: tecnoastro.es
A maioría son moi parecidos aos que temos feito outros anos no insti: robot segue luz, rastreador, pegatortas, robot que non cae da mesa, … pero atopei prototipos interesantes nos que utilizan material reciclado de aparellos electrónicos.
Por exemplo, pódense aproveitar os pulsadores dun rato vello de ordenador para controlar o movemento dun pequeno vehículo. É un proxecto sinxelo (para 2º de ESO) pero a idea pódenos servir para utilizar un rato nun proxecto máis complexo de 4º.
Outro interesante é aproveitar un vello lector de CD para construír a porta dun garaxe:
No caso que nos mostran a porta está controlada por un ladrillo Lego, pero nós imos limitarnos ao control electrónico non programado, pois coa robótica programada traballemos máis adiante.
Tamén teñen outros proxectos nos que aproveitan as pezas dunha impresora (iso vai ser máis difícil, pois non temos ningunha inservible)
Botádelle unha ollada a estes proxectos, pero para que se vos ocorran novas ideas. Sabedes que prefiro que sexades vós os que inventedes e deseñedes os prototipos que se vos ocorran, anque despois vos axude, xa que valoro máis as ideas orixinais.
Moi bo o post, non só para o ensino, máis tamén para os que aínda somos uns cativos.
Por suposto que vale para todo o mundo, e non só para os estudantes.
Ãnimo cos teus proxectos!