GALPon (Grupo de Amigos Linux de Pontevedra), coa intención de fomentar o coñecemento e emprego das tecnoloxías libres entre a mocidade, fai un ofrecemento moi interesante a aqueles centros de ensino e entidades adicadas á formación da provincia de Pontevedra que presenten un proxecto de automática e robótica con hardware e software libre.
GALPon subministrará o material necesario para a realización do proxecto ata un importe máximo de 1.000 €, contribuirá no asesoramento do equipo de traballo na escolla de software, poderá axudar na programación dos scripts, e concederá un premio en metálico aos membros do equipo no caso de que o proxecto acade o resultado previsto.
Non queda moito tempo para presentar un proxecto (ata o 1 de outubro), pero paga a pena intentalo, especialmente para aqueles centros que non conten con recursos para mercar hardware. É unha oportunidade para arrancar con arduino nas clases de tecnoloxía de ESO e Bacharelato, ou de montar unha impresora 3D como a que nos contaba Tucho hai pouco neste blogue.
Tes toda a información en:
Non o podo crer!!
Ata nin estando de baixa por maternidade deixa María de traballar e de estar ao día!!
Ánimo, compañeira!!
Ernesto, que sorpresa ti por aquí! Benvido!
O pequecho non me deixa moito tempo, pero pola miña saúde mental necesito desconectar do mundo dos bebés e da maternidade, aínda que só sexa un pouquiño, pois senón toleo ;-)
Veña, un bico.