Despois de 10 anos, 6500 millóns de quilómetros e unha aterraxe de vertixe a 66000 km/h a sonda Philae Lander (@Philae2014) celebrou deste xeito que xa está sobre a superficie do cometa 67P despois de ser liberada pola sonda Rosetta (@ESA_Rosetta):
Touchdown! My new address: 67P! #CometLanding
— Philae Lander (@Philae2014) November 12, 2014
A ciencia e a tecnoloxía traballando xuntas producen estes magníficos resultados. Parabéns á Axencia Espacial Europea!
Esperemos que a sonda quede ben suxeita e non haxa problemas para que poida realizar o seu traballo: recoller mostras e datos que permitan estudar profundamente o cometa para achegarnos máis á orixe do Universo.
Unhas fotos:
O “son” no cometa:
[soundcloud: A Singing Comet]
O cometa parece estar emitindo unha “canción” en forma de oscilacións no campo magnético na contorna do cometa, parece ser que producidas pola liberación de partículas neutras que se ionizan no espazo. Para facer esta música audible para o oído humano multiplicáronse as frecuencias por 10.000. Tedes aquí máis información sobre a procedencia dese son.
Unha explicación:
[youtube: Explicación da Misión Rosetta dende a USC]
Unha canción:
Non ten que ver coa misión, pero imos poñela para celebrar o acontecemento:
[youtube: Love of Lesbian – Houston, tenemos un poema]
Máis información:
- Infografía El País
- Infografía El Mundo
- Diario Turing
- En praza.com: Misión Rosetta: Unha “partida de billar cósmica” de máis de dez anos
- Hashtag en twitter: #CometLanding
