tecnoloxia.org

Tecnoloxía na Educación Secundaria

Caretos por todas partes

Fai falta só un pouco de intención para atoparlle o lado máis humano a todos eses obxectos que nos rodean. É algo que sempre digo en clase: Detrás de cada obxecto, máquina ou sistema hai toda unha historia, desde a idea dunha persoa ou equipo, pasando polo seu deseño e fabricación ata que chegan a formar parte do noso entorno.

Sen embargo hai un xeito máis poético de velo. Seguramente algunha vez, sen querelo, atopaches nun obxecto unha cara observándote fixamente, case con intención de dicirte algo. Se iso sucédeche habitualmente sempre podes sacar fotografías e compartir a túa experiencia no grupo de Flickr Faces in Places.+

No blogue Faces in Places van recollendo e publicando esta curiosa colección de inesperados obxectos antropomórficos. Aquí tes unha pequena mostra:

(Ver en SlideMyPicks)

E hai quen non se conforma con intuír a humanidade. Carolyn e Andy London conseguiron que diversos obxectos da cidade de New York se comunicasen connosco. Todo un logro! (Visto en swiss-miss.com)

[youtube:The lost tribes of New York City]


One Comment

  1. Faces are everywhere, cool video, keep on

Deixa unha resposta

Required fields are marked *.