Dende hoxe 23 de outubro e até o 16 de novembro terá lugar no MARCO, Museo de Arte Contemporánea de Vigo, o programa audiovisual da XIX edición de ArtFutura, que inclúe máis de oito horas de imaxes de alto impacto coas últimas achegas do campo da cultura dixital, os videoxogos e os efectos especiais.
Podemos ver, entre outros, un documental sobre a exposición Máquinas e Almas, o documental Das Netz de Lutz Dammbeck, un especial sobre a escola francesa Supinfocom e unha retrospectiva de Satoshi Tamioka, recoñecido autor xaponés de animación dixital.
O vindeiro 8 de novembro a Asociación do Profesorado de Tecnoloxía de Galicia, APETEGA, organiza a súa II Xornada Monográfica, que tratará este ano sobre os contidos de control e robótica do currículo de Tecnoloxía, que se abordarán mediante a utilización da controladora Arduino.
A xornada terá lugar no IES Pedra da Auga de Ponteareas, Pontevedra, e estará limitada a un máximo de 40 persoas.
Este concurso, convocado polo Instituto Nacional de Técnica Aeroespacial (INTA) e a Fundación Aeroespacio, coa colaboración de diversas entidades, pretende que mozos e mozas descubran que a actividade espacial é fonte dun elevado número de tecnoloxías, moitas das cales configuran a nosa realidade diaria sen case ser conscientes diso.
Os traballos desta edición versarán sobre a actividade espacial, en especial sobre aqueles logros desenvolvidos no campo espacial que agora son de utilidade na vida cotiá e sobre aqueles avances tecnolóxicos que nos permiten ter un mellor coñecemento do planeta grazas á observación desde o espazo.
As modalidades dos traballos a presentar son: investigación, robótica espacial, narrativa/banda deseñada, e animación.
Entre os traballos gañadores na edición anterior atopamos algúns traballos de tecnoloxía, como por exemplo o proxecto de construción dun brazo robótico do IES Xebic. Ondara, Alicante.
Na categoría de animación por ordenador gañou este traballo chamado Sputnik Omega – Mision Hiperespacio, do colexio San José.
Galiciencia é unha exposición que organiza Tecnópole (Parque Tecnolóxico de Galicia) na que cada grupo de alumnos e alumnas mostra o seu proxecto científico, invento ou investigación, explicando aos visitantes como o fixo, resultados obtidos, funcionalidades… Este ano haberá tamén a Galiciencia na rúa.
Ademais disto haberá talleres, conferencias, sesións de cine e outras actividades de divulgación da ciencia e da tecnoloxía.
Os centros que queiran participar, tanto presentando un proxecto como de visita, teñen aberto o prazo de inscrición dende o 15 de setembro ata o 15 de outubro.
As actividades da Semana da Ciencia realizaranse os días 18, 19 e 20 do mes de novembro de 2008 no auditorio de Ourense.
Dende hoxe 23 de outubro e até o 16 de novembro terá lugar no MARCO, Museo de Arte Contemporánea de Vigo, o programa audiovisual da XIX edición de ArtFutura, que inclúe máis de oito horas de imaxes de alto impacto coas últimas achegas do campo da cultura dixital, os videoxogos e os efectos especiais.
Galiciencia