Colaborar no Banco de imaxes e sons do ITE

Un recurso moi útil para conseguir imaxes e sons con fins educativos é o Banco de imaxes e sons do ITE, no que podemos atopar unha chea de recursos audiovisuais clasificados por materia e nivel.

Xa leva anos funcionando, pero agora presenta unha importante novidade: admite colaboracións de calquera persoa que queira aportar recursos propios ao banco e servir á comunidade educativa.

As colaboracións publícanse baixo licenza Creative Commons e deben ser recursos de interese didáctico.

ITE.jpg

Así que xa sabes, se algunha vez colliches algo de internet que che foi útil, tócache agora aportar algo á comunidade e que lle sexa útil aos demais. Que tal compartir esas fotos de mecanismos, estruturas, máquinas, compoñentes, instrumentación, etc. que tes gardadas no disco duro?

Se buscas outros bancos de imaxes, nesta ligazón tes máis recursos: Bancos de imaxes


Debuxar con tipografía

Os debuxos feitos con tipografía (letras, números e caracteres) chámanse caligramas, e pinacogramas no caso de retratos.
Estes son uns exemplos:

type_moto.jpg type_astronauta.jpg
type_lilwayne.jpg type_A_Picture_Worth.jpg

Tamén podemos facer animacións con caligramas, como podedes ver neste vídeo:


[youtube: typolution ] (Vía Dreig)

Se queredes probar isto de debuxar con tipografías existen na rede diversas aplicacións que nos facilitan a tarefa. Estas son algunhas:

E como estas cousas enredan, recoméndovos que o deixedes para cando rematedes os exames deste trimestre.


Xogando coa perspectiva

Unha das primeiras cousas que se aprenden na materia de tecnoloxía é debuxar en perspectiva. Necesitamos saber representar obxectos e sistemas de forma gráfica, pois é a forma máis eficaz de transmitir a información técnica.

Pero non vos vale só para debuxar os proxectos de tecno. Podedes aproveitar que sabedes obter unha imaxe tridimensional nun plano para xogar coa perspectiva no entorno. Pode ser divertido.

Mirade a obra do artista Aakash Nihalani. Utiliza cintas adhesivas de cores para resaltar contornos inesperados nas cidades.

Aakash-Nihalani.jpg

Aakash-Nihalani-9.jpg

Aakash-Nihalani-3.jpg


[Flikr Slideshow: Aakash Nihalani Photostream]

Anímase alguén a sacarlle perspectiva á porta do taller de tecno?

Aakash-Nihalani4.jpg