Esta tipografía que ves non é moi boa para ler
pero se amplías o tamaño de letra, váleche para recortar, pegar, e facerte unhas letras en 3D de papel.
Descarga a tipografía: punched-out.font
(Visto en tec.nologia.com)
Comunicación gráfica
Expresión e comunicación gráfica
As letras e números dos lapis
Chega a hora de encher o estoxo para que non falte de nada nas clases. Hoxe en día non debes esquecer o PenDrive, pero como necesitamos facer bosquexos a man non pode faltar o clásico lapis, mais… que lapis mercar?
Se te fixas os lapis teñen unha letra e un número que os caracterizan.
Os lapis son barriñas de grafito mesturado con arxila en diferentes proporcións, cunha cuberta de madeira. Dependendo da proporción da mestura o trazo é diferente.
H significa duro (hard), e canto maior sexa o número que ten ó lado máis dura será a mina. Non emborrona, pero pode raiar o papel se apretas moito. Utilízase para deliñación.
B significa brando, ou máis ben vén de negro (black), e canto maior sexa o número que o acompaña máis brando é. Úsase en debuxo artístico.
Para bosquexos e esbozos o mellor é utilizar un lapis intermedio, B ou HB.
Como se fabrican os lapis?
A partir dun bloque de madeira normalmente de cedro obtéñense finas táboas nas que se gravan uns surcos.
Neses suscos colócanse as minas de grafito, e logo cólase outra táboa enriba.
Unha máquina encárgase de separar os distintos lapis da táboa.
Por útimo o que se fai é pintar, vernizar e afiar os lapis.
Aquí temos un documental no que se explica o proceso de fabricación:
[youtube: El Lápiz]
E aquí outro máis sinxelo:
[tudiscovery: Lápices]
Letras de papel en 3D
En epson.com.sg podemos baixarnos uns modelos para construír letras e números de papel como as que podes ver aquí:
Pode ser un recurso útil para facer carteis, decorados para obras de teatro, intervencións tecnoartísticas ou o que queiras.
Mellor imprimir en cartolina ou papel groso, especialmente se imprimes ou fotocopias as plantillas en tamaño A3 ou maior.
Letras con fotografías
Queres formar unha palabra utilizando imaxes de edificios vistas dende o ceo?
Geogreeting é unha aplicación que che permite facelo facilmente. Mira o resultado:
Ademais, podes ver nun mapa o emprazamento dos edificios.
Xa vos ensinei hai un tempo unha aplicación para conseguir letras de imaxes de Flickr, pero hai moitas máis letras feitas con fotografías:
- Letras con fotografías dos ocos que deixan edificios (esta vez vistos dende abaixo)
- Letras atopadas nas ás de bolboreta.
- Alfabeto humano
- Tipografía industrial
- Letras feitas con libros
- Letras na parte traseira de camións
- Tamén hai quen baila o que escribes
- Tipografía con mobles
- … e moitas máis
E se facemos nós as nosas propias letras?
Xuntádevos por parellas e con axuda dos vosos teléfonos móbiles ou cámaras dixitais sacade fotografías que axuden a construír a frase “Taller de Tecnoloxía“.
Axudádevos con cousas que teñan que ver coa tecnoloxía (cables, mecanismos, compoñentes, …)
Logo recortarémolas e redimensionarémolas en clase.
As mellores fotos utilizarémolas para facer un cartel de entrada no taller de tecno.
Deseña o teu selo do Día de Internet
Con motivo da celebración, o próximo día 17 de maio, do Día de Internet, Correos, como patrocinador do certame, invítanos a participar no concurso “Deseña o teu selo do Diadeinternet”.
Con esta iniciativa, Correos quere fomentar o uso de Internet en toda a sociedade, premiando os mellores deseños que se adapten á estrutura dun selo persoalizado, e que mellor reflictan o mundo desta tecnoloxía da información e comunicación.
O prazo de presentación de traballos establécese desde o 1 de marzo ata o 15 de abril de 2009, ambos inclusive.
Hai interesantes premios, como unha consola de videoxogos ou un ordenador portátil. É unha oportunidade para gañar un premio practicando con InkScape.
Tes toda a información e as bases do concurso en
http://www.correos.es/DIADEINTERNET09
Neste caso a tematica dos selos é Internet, pero podemos atopar de todo. Bota unha ollada á galería de selos con imaxes relacionadas cos materiais:
