tecnoloxia.org

Tecnoloxía na Educación Secundaria

Engrenaxes nun anel

Cando estudamos os mecanismos transmisores e transformadores do movemento soemos poñer exemplos de utilización en máquinas e dispositivos de uso común, pero pódense utilizar tamén con fins decorativos e non funcionais, potenciando a súa beleza intrínseca.

Mira este deseño de kinektdesign. A min paréceme moi orixinal.

ring_1.jpg

Aquí hai un vídeo co anel en acción:

[youtube: Kinekt Design’s Gear Ring]

(Visto en swiss-miss.com)

Reutilizando disquetes

Os disquetes sons eses dispositivos de almacenamento de datos que utilizábamos hai anos e que xa son tecnoloxía obsoleta.
Moita xente xa os tirou hai tempo ao lixo, pero se aínda tes disquetes na casa aí van unhas ideas de reutilización:

(Slidemypicks)

Se che gusta pintar, podes utilizalos como soporte para as túas obras, como fai o artista Nick Gentry

E qué che parece reutilizar cassettes?…

Robolámpadas

Conectando de xeito imaxinativo elementos de fontanería e electricidade podemos construír lámpadas do máis orixinal, como fai o deseñador croata Robert Matysiak.

[Ver en slidemypics]

Anímaste a facer unha lámpada destas para a túa casa?

Necesitas unha lámpada (mellor de baixo consumo), un portalámpadas, un interruptor, un enchufe, cable paralelo, … e calquera material usado con imaxinación, se é reciclado mellor.
Para evitar despistes con algún cable solto, mellor usa un material illante para a estrutura.

Poden interesarte tamén estas lámpadas con tubos e billas.

(visto en gizmodo.com)

Non temas ás máquinas … excepto a Terminator

Ás máquinas non hai que terlles medo, só hai que tratalas con respecto. Están feitas para axudarnos, facernos as tarefas máis doadas ou ofrecernos servizos imposíbeis sen elas.

Sen embargo hai moita xente que non se fía delas, ten medo de usalas, non as entenden ou consideran que só complican as cousas.

Nunha estación de tren en Londres, despois de ver como moita xente prefería facer cola antes que usar unha máquina expendedora de billetes, decidiron poñer este cartel:

dontfearmachines.jpg
[Flickr: Don’t fear the machines]
“Non teñas medo das máquinas, excepto de Terminator”

É un xeito orixinal de animar á xente, pero o máis importante está da man da tecnoloxía, do deseño industrial: a usabilidade.

Para que a tecnoloxía chegue á poboación non é suficiente que o funcionamento da máquina sexa correcto. O interface persoa-máquina debe ser atractivo, intuitivo e doado de utilizar, e debe adaptarse a todas as persoas.

(Visto en nopuedocreer)