Vibrobot: Bug Bot

Este sinxelo vibrobot ponse en marcha cando detecta luz e para na escuridade grazas a unhas LDRs e un amplificador de audio LM386. Podes ver as instrucións en popsci.com.

(Pode ser que este vídeo non se vexa dende un lector de feeds)

Está baseado nun dos robots que podemos atopar no libro “Junkbots, Bugbots, and Bots on Wheels“, e cuxa web de asistencia é junkbots.solarbotics.com. Alí podes atopar outros modelos.


Sinal de reloxo cun relé

rele_clock.gifEste é un circuíto sinxelo cun relé que pódenos servir como indicador intermitente, ou como sinal de reloxo.

O funcionamento é moi simple: Cando o relé está apagado, acéndese automaticamente, xa que o contacto normalmente pechado (posición inicial) está conectado a un dos contactos da bobina, polo que aliméntase o relé. Unha vez aceso deixa de alimentarse a bobina, polo que se desconecta e o ciclo comeza de novo.

É unha maneira moi pouco ortodoxa de montar un circuíto intermitente ou un reloxo para circuítos dixitais, pero pareceume curioso polo sinxelo que resulta.

Entre os seu inconvenientes temos:

  • O período depende do modelo de relé e do fabricante, polo que non é posíbel predecir a frecuencia de conmutación.
  • Tampouco sabemos que porcentaxe do sinal está en 0 e cal en 1. Os períodos nos niveis alto e baixo non teñen por que ser iguais, e isto tamén dependerá do relé.
  • O “tictictictictic” da conmutación pode rompernos a cabeza.

Así que non é máis ca unha curiosidade.

Anque resulte máis lioso de montar, para lograr a intermitencia, funciona mellor se o facemos co temporizador 555 en funcionamento astable, máis que nada porque podemos controlar a frecuencia e os tempos.


Beam Wiki

A xente de Beam Wiki, a través do seu blogue e do seu wiki, amósanos traballos de robótica baseados sobre todo en circuítos analóxicos.

Procuran reducir ao mínimo necesario o número de compoñentes mecánicos e electrónicos, reciclar material e, sempre que sexa posíbel, utilizar enerxía radiante a través de células fotoeléctricas.

Aparte de ser útil para coller ideas para os proxectos da ESO, tamén atopamos curiosidades, como este robot seguidor de luz de 1920 que podes ver na imaxe da dereita.

beam wiki electric dog

Paréceme curioso o contol do xiro, que se realiza mediante o movemento dunha terceira roda que fai de timón, que pivota movéndose cara á dereita ou cara á esquerda pola acción dun solenoide que atrae unha peza metálica. Podes ver aquí o esquema eléctrico.

(Fonte: Make)


Cartel luminoso con fibra óptica

cartazUn circuíto intermitente cun led ou dous non queda moi vistoso, e na ESO, para fardar de proxecto, non hai nada como incluír un cartaz luminoso intermitente coma o da foto. Sen embargo conectar tantos LEDs dá bastante traballo.

Hai unha solución interesante utilizando fibra óptica. A luz viaxa polo conducto da fibra óptica sen saír dela ata chegar ao outro extremo.
fibra óptica - refracción

Podemos facer o noso deseño de cartel conectando un dos extremos da fibra óptica nunha matriz de buratos, e o outro extremo de xeito que poida coller a luz que sae dun LED, tal e como se pode ver na seguinte imaxe: (A idea e a imaxe son de Talking Electronics)
matriz de fibra óptica

O LED é a saída do noso circuíto intermitente, que pode construírse cun 555 en funcionamento astable ou cun multivibrador. Se utilizas dous LEDs, como no esquema da figura, podes conseguir unha imaxe en movemento.
555 astable