Proxectos

proxectos de tecnoloxía

Vasoira feita con botellas de plástico

por

vasoiraEn recicloteca explícannos como facer unha vasoira reciclando botellas de PET, un plástico que presenta unha alta resistencia ao desgaste.

Necesitas 18 botellas de dous litros, unhas ferramentas e pouco máis para fabricar unha vasoira que non ten nada que envexar ás vasoiras comerciais.

Podes ver aquí as instrucións.

(Vía: Ecoinventos)

Actualización: Neste vídeo podes ver o proceso de fabricación das botellas de PET.

Hai algún que outro erro (como en case tódolos vídeos de Discovery Channel), o ensaio de compresión non mide a dureza, como din, senón a resistencia á compresión. Para medir a dureza existen outros ensaios (Brinell, Vickers, …)


Un motor revoluciona o instituto

por

A revista Cuadernos de pedagogía (Nº 382, setembro de 2008) amósanos un interesante proxecto de tecnoloxía realizado no IES Malilla, de Valencia.

Un equipo de estudantes de ESO construíron un coche co que participaron durante dúas edicións consecutivas na proba de coches de baixo consumo Shell Eco-marathon á que acoden cada ano centos de estudantes de enxeñería e formación profesional de tódolos continentes. Trátase dunha carreira de coches na que gaña o vehículo que sexa capaz de facer máis kilómetros cun litro de combustible.

O deseño e construción de “mandarineta”, prototipo co que se presentou o instituto de Malilla, serviron para despregar, cun humilde orzamento, un ambicioso proxecto educativo no que se integran gran parte dos contidos do currículo de tecnoloxía da ESO.

Shel Eco-marathon

Felicidades ao profesorado e ao alumnado do IES Malilla por este interesante proxecto.

Podes ler o artigo completo na web de cuadernos de pegagogía (pdf)


Espertador de auga

por

O luns que vén xa temos os odiados exames de setembro. Profes e alumnado teremos que conectar o espertador despois de moito tempo erguéndonos á hora que nos peta.
Dificultades para espertar pola mañá? Se non tes un deses espertadores comerciais que nos fan espabilar podes fabricar un espertador de auga como o que nos amosan neste vídeo. Non hai como unha boa ducha de auga fría para poñerse en pe.


How To Make a Water Gun Alarm Clock on Howcast

Ocórreseme que podemos utilizar un espertador como programador para os nosos proxectos. Por exemplo, para facer un sistema de rego automático, ou calquera outro proxecto que queiramos que se poña en funcionamento a unha hora determinada. Cun espertador dos “chinos” e un relé conectado no canto do altofalante ou en paralelo con el xa temos un programador, temporizador ou cronómetro que poden ser útiles para utilizalos nos nosos prototipos.


Robot balancín

por

Vía Makezine atopei outro sinxelo robot para construír. Trátase dun robot que se mantén en equilibrio, pero non utiliza acelerómetros nin xiroscopios, senón que é moito máis sinxelo. Aquí podes ver o esquema eléctrico:

balancing robot esquema eléctrico

Dependendo da posición do microinterruptor, o motor xirará nun sentido ou no outro. O propio movemento do robot fai que se cambie continuamente a polaridade do motor, obténdose un movemento de balancín en equilibrio.

Supoño que a dificultade na construción radica en axustar ben a posición do microinterruptor para que o robot se manteña estable o máximo tempo posible. Haberá que propoñerllo ao alumnado o curso que vén.

As instruccións pódelas atopar en instructables


Códigos de barras

por

Bar Code RevolutionOs códigos de barras son sistemas que permiten codificar a información dun producto, como a identificación do país de orixe, a empresa produtora ou a serie do produto. Mediante un escáner pódese recoller rapidamente dita información para asociala a unha base de datos.

Pero non fai falla que sexan simples e aburridos. Coa condición de que o escáner poda ler a información pódense incorporar debuxos que lle dean un punto creativo aos envases dos produtos. Esa é a aposta de Bar Code Revolution e os seus orixinais deseños.

escánerA información dun código de barras vén en código binario, de xeito que as barras negras representan os uns e os espazos baleiros os ceros. O escáner contén un dispositivo de lectura que emite un haz de luz cara o código de barras. Cando o haz incide sobre as barras negras non se reflexa, e cando incide sobre o branco si, obténdose unha secuencia de datos en binario. Un decodificador recoñece a simboloxía do código obtido e transforma estes datos en impulsos eléctricos que se levan ao ordenador mediante USB (tamén pódense transferir a través de wi-fi ou bluetooth)

Podes saber máis nesta infografía de consumer.es: código de barras

QR CodeOs códigos de barras bidimensionais almacenan a información en dúas dimensións conseguíndose almacenar unha maior cantidade de datos, e permitindo a interactividade mediante o uso de teléfonos móbiles, como pode ser a compra de entradas de cine ou ligar contidos multimedia online.

Podes ver a infografía de consumer.es: Códigos bidimensionais shotcode

E a cousa non queda aquí. Xa se están a desenvolver os códigos de barras tridimensionais, feitos de 14 capas de cores de xeito que cada código pode almacenar entre 0,6 e 2,4 megabytes de datos, o que permite, por exemplo, o almacenamento directo de contidos multimedia como vídeos, que se poderán visualizar dende os móbiles sen necesidade de conectarse a internet.

codebar 3D

Código de barras bidimensionalExisten aplicacións que che permiten obter o teu propio código de barras,como Semacode ou Barshow. O código de www.tecnoloxia.org é o da imaxe.

E non podía faltar un proxecto para facer na aula. Dende o IES Salvador Espriu de Barcelona propóñennos un proxecto de construción dun lector de código de barras.

Poderíase ampliar conectando a saída do circuíto a unha tarxeta controladora para que poidamos identificar o código mediante unha aplicación por ordenador.

proxecto