Control e Robótica

Control e Robótica

Brazo robot con sensor de cor

por

Este curso a ver se somos quen de poñer a funcionar o brazo robot do curso pasado. Chegara a funcionar clasificando pezas brancas e negras, pero os últimos días de curso empezou a fallar. O problema foi que no conector dun dos servos o pin de alimentación e o pin de sinal estaban curtocircuitados , polo que entraba alimentación á placa a través do servo e facía que funcionase mal. Agora xa está arranxado.

Hai un novo modelo de brazo robot sinxelo que circula por internet e que ten boa pinta: Pedro Robot. A ver se o imprimimos para poñelo tamén a clasificar pezas de forma automática.

[MeArm programado no curso 16/17. tecnoloxia.org]
[Pedro Robot By hackaday.io]?

Este curso engadiremos un sensor de cor para poder distinguir entre pezas de diferentes cores, e non só brancas e negras. Aquí tedes información sobre o funcionamento dun sensor de cor TCS3200.

[TCS3200 tecnoloxia.org CC By-SA]
A ver o que sae!


Ascensor

por

Este non foi un bo ano en canto a proxectos, pero algo fixemos.

Un dos proxectos deste ano do alumnado de Tecnoloxía Industrial I é un ascensor programado con Arduíno. Reciclamos un ascensor de 2 pisos realizado en 2º de ESO e o alumnado de 4ºESO axudou no cableado dos compoñentes. O resultado podédelo ver neste vídeo:

(Ascensor de 3 pisos from María L on Vimeo.)

Nesta páxina tendes máis información sobre o proxecto do ascensor, por se queredes montar un.


Novos recursos: Arduíno, impresión 3D e App Inventor

por

Na sección de contidos desta web tendes novos recursos elaborados durante unha licenza de formación da Consellería de Educación durante o primeiro trimestre deste curso.

keypad_fritzingArduíno

Ábrese unha nova sección de control e robótica. De momento o material dispoñible nela é sobre Arduíno e inclúe prácticas e proxectos de diversos niveis de dificultade, con propostas de mellora e ampliación.

Está baseado na experiencia destes anos con Arduíno no IES Primeiro de Marzo de Baiona. As primeiras prácticas son utilizadas para aprender a programar, e despois, para os proxectos que se vaian realizar, inclúese información con exemplos e prácticas para consultar e adaptar segundo as necesidades.

Co tempo irei ampliando esta sección con novos proxectos que vaiamos facendo na aula e sobre outro material de robótica.

Impresión 3D

varrido-solido-e1480525894948A sección de Impresión 3D foi realizada por Alicia Pérez, do IES María Soliño (Cangas).

Inclúe información sobre como configurar a impresora 3D mediante o programa Cura e diversas prácticas de deseño CAD 3D co programa Onshape, CAD online moi recomendable para traballar na educación secundaria.

App Inventor

paris-205x300Unha aplicación moi interesante para aprender a programar na materia de TIC é App Inventor. Pódense facer miles de cousas conectando bloques para sacar proveito dos dispositivos Android.

Nesta sección realizada tamén por Alicia podes ver exemplos variados e propostas de ampliación.

 

Agardamos que vos resulten de utilidade!

 

 


Open Source Hardware na OSHWDem

por

Este sábado 5 de novembro hai unha nova cita para as amantes de electrónica, a robótica e o Open Hardware en xeral: OSHWDem (Open Source HardWare Demonstration), unha feira con filosofía BarCamp sobre tecnoloxías libres organizada por BricoLabs e que se celebrará museo Domus de A Coruña.

oshwdem2016

Haberá unha exposición con máis de 30 proxectos libres confirmados, múltiples competicións de robótica e interesantes obradoiros do máis variado (Impresión 3D, electrónica, programación, etc.)

Tes máis información na web de OSHWDem.