Tecnoloxía e sociedade
ХудожникRepasando o lector de feeds, que hai tempo que teño moi abandonado, atopei en Microsiervos este xenial vídeo de Aaron Bristow y Adam Evans que resume a historia da aviación en tres minutos:
[youtube: Animated History Of Aviation]
No blogue Fronteras podemos ver a información ampliada sobre os diferentes sistemas que van aparecendo no vídeo.
Curiosa canle de youtube que descubrín grazas a @iulium18:
The Museum Of Obsolete Objects.
Pertence á empresa de deseño alemá Jung von Matt, e presenta unha serie de obxectos xa en desuso dos que podemos ver o ano de creación, o ano en que se deixou de usar e un vídeo no que se mostra o seu funcionamento.
Se queremos, podemos propoñer a inclusión doutros obxectos deixando unha suxestión nos comentarios.
Incluso atrévense a prognosticar o ano da morte dalgún obxecto que aínda usamos, como o rato de ordenador: morrerá, segundo eles, no 2015!
Atrevédesvos a por a data de morte dos obxectos que máis usades hoxe en día? Que haberá no seu lugar?
O programa “A noite temática” emitiu recentemente dous interesantes documentais relacionados coas centrais nucleares:
O pesadelo dos residuos nucleares
O documental presenta os resultados dunha investigación sobre a xestión de residuos nucleares en EE.UU., Rusia, Alemaña e Francia, e saca á luz o segredo e descontrol que rodea o tratamento destes residuos. (1h 33 min)
[youtube: lista de reprodución La pesadilla de los residuos nucleares]
A batalla de Chernóbil
O 26 de abril de 1986 unha proba de seguridade na central nuclear de Chernóbil provocou a maior catástrofe nuclear da historia.(1h 17 min)
[youtube: lista de reprodución La batalla de Chernóbil]
Actualización 16 de maio de 2011:
Outro documental sobre residuos nucleares que paga a pena ver: Into Eternity
[youtube: lista de reprodución Into Eternity]
Nesta época de consumismo desmedido cómpre unha reflexión acerca da curta vida útil dos produtos que consumimos. Lámpadas que se funden, baterías que morren despois dun meses, impresoras que duran un número determinado de impresións, ordenadores e teléfonos que en pouco tempo nos parecen anticuados, electrodomésticos que non teñen parafusos para poder abrilos e reparalos, … Como é posible que os produtos duren cada vez menos ou que non sexa posible arranxalos?
A clave témola neste documental que me pasou Reyes Montero: Obsolescencia programada, ou como a industria se esforza en limitar conscientemente a vida útil dos produtos ao servizo da economía.
[Fabricados para no durar (Comprar, tirar, comprar) from ATTAC.TV on Vimeo.] [RTVE: Comprar, tirar, comprar]
Non é a primeira vez que tocamos aquí este tema. Aquí tedes algúns artigos máis:
Estupenda animación de Stephen Ong que ilustra o consumismo do que somos vítimas na sociedade actual.
“Se isto segue así, o home vai atrofiar tódolos seus membros agás o dedo de premer botóns.”
[When Humans Ruled the Earth from Stephen Ong on Vimeo.]
(Vía: Artivismo)
