un pouco de todo
Hai un días puxen unha mensaxe na que buscabamos o colexio galego que enviou un manifesto pola paz en globo, e que chegou ata Segovia. Xa o atopamos!
Trátase do CPI padrenda-Crespos, do concello de Padrenda, na provincia de Ourense.
Aquí está a ruta que fixo o globo (máis ou menos, pois seguro que non foi seguindo a estrada)
Nunha sociedade na que dada vez hai máis tecnoloxía de “usar e tirar” é de agradecer que aparezan iniciativas como “No lo tiro, te lo doy“.
É un sitio web onde a xente ofrece ó público as cousas que xa non quere ou non necesita para que as recolla outra xente á que lle podan ser de utilidade. Tamén calquera pode pedir cousas que necesita, por se hai alguén que as teña e non as quera.
Non se trata de intercambio nin de compra, só é doazón altruísta. Por que vas comerciar con algo que tiñas pensado tirar?
Un compañeiro de tecnoloxía, Jose Luis Martín, solicítanos axuda para atopar aos autores e autoras dunha mensaxe enviada polo aire. Os globos voaron dende algún lugar de Galiza ata a copa dun piñeiro de Miguel Ibáñez, na provincia de Segovia (está marcado no mapa cunha cruz vermella)
Ãs persoas que atoparon a mensaxe gustaríalles que os nenos e nenas que o soltaron ao aire soubesen o lugar onde chegou, así que solícitase a axuda de calquera persoa que poida difundir esta mensaxe entre os colexios galegos.
Os primeiros ordenadores, os primeiros videoxogos, a música, o vídeo, os xoguetes electrónicos, … os anos 80 empezaron a dixitalizar as nosas vidas.
Este documental fala da tecnoloxía dos anos 80. Naquela época eu tiña a idade dos meus alumnos e alumnas da ESO, e resulta impresionante a evolución producida en dúas décadas.
Dentro de 20 anos veremos documentais que falen da tecnoloxía da primeira década do século XXI e seguramente notaremos un cambio aínda máis espectacular.
