Reto:
Imos programar un xogo de proxectís e, neste caso, será un polbo lanzando pelotas. O que facemos é agochar a pelota detrás do polbo e, cada vez que prememos no botón do rato, a pelota amósase e diríxese cara a onde estaba situado o punteiro do rato. Desaparece e volve agocharse cando toca un bordo ou cando acada o mergullador.
[Scratch: A vinganza do polbo 1]
Durante o accidente nuclear de Fukushima vertéronse toneladas de residuos radioactivos ao fondo do mar e, debido a iso, meses despois empezaron a aparecer animais mariños mutantes. Un polbo mutante quérese vingar dos humanos. Agochado entre as rochas agarda a que apareza un mergullador para guindarlle unha pelota radioactiva.
Cada vez que a pelota alcanza o mergullador suma un punto, e cada vez que se perde resta 1 punto. Remata o xogo cando obtemos unha puntuación negativa.
Fai clic co rato para arrebolares coa pelota.
Código do polbo:
Código da pelota:
Código do mergullador:
Mellora mediante clons
Facer este xogo como acabamos de explicar ten un problema: temos que agardar que a pelota desapareza da pantalla para lanzarmos unha nova. Se queremos guindar varias pelotas de forma consecutiva sen esperas o que facemos é crear clons.
[Scratch: A vinganza do polbo 2 (clons)]
Fai clic co rato para arrebolares coa pelota.
Código da pelota:
Melloras:
Podes intentar mellorar este xogo introducindo modificacións:
- O xogo remata cando obtivemos unha puntuación negativa, pero estaría ben saber cal foi a puntuación máxima obtida durante o xogo. Saberías como amosar esa puntuación?
- Outra opción é que o xogo remate despois dun tempo. Habería que introducir un cronómetro que marque o final despois dun tempo de xogo determinado. Habería que intentar conseguir o máximo número de puntos nese tempo.
- Podemos ir incrementando a velocidade do mergullador conforme imos obtendo máis puntos, de xeito que cada vez sexa máis difícil cazalo.
- No canto de ter un mergullador rebotando no escenario, podemos facer que o bucio saia cada vez desde unha posición aleatoria movéndose nun sentido aleatorio.