É un circuíto no que conectamos varios receptores un despois doutro, tal e como se mostra na figura. (Fai clic no interruptor para pechalo)
Onde coloco o interruptor?
Dá igual a posición do interruptor, pódelo poñer onde queiras. A súa función é abrir o circuíto e cortar o paso da corrente, e isto pódeo facer en calquera punto do circuíto.(Fai clic nos interruptores para comprobar que funciona)
Non son independentes
Ademais, vanse acender ou apagar tódolos compoñentes ao mesmo tempo. Non podes acendelos e apagalos de xeito independente.
Máis resistencia, menos intensidade
Cando conectamos moitas lámpadas en serie nun circuíto estamos aumentando a resistencia do mesmo, é dicir, ós electróns resúltalles máis difícil circular e, polo tanto, a intensidade é menor.
Polo tanto, non conectes moitos receptores en serie, porque van funcionar mal: as lámpadas alumearán menos, os motores xirarán máis amodo e os zoadores soarán menos.
Compoñente fundido
Ten outro inconveniente: Se un dos compoñentes se funde ou se desconecta, o resto deixa de funcionar, xa que se abre o circuíto e deixa de circular a corrente. Ou funcionan tódolos receptores á vez ou non funciona ningún.
(Fai clic para pechar os interruptores, e fai dobre clic para abrilos)
