Para que circule a corrente a través dun circuíto necesitamos un medio condutor. Este medio está formado por un material condutor, que é aquel que presenta pouca resistencia ó paso da corrente eléctrica. Por estes materiais os electróns poden desprazarse libremente dun punto a outro se lle conectamos unha fonte de tensión entre dous puntos.
Para construír circuítos podemos utilizar como medio condutor:
- Cables
- Placas de prototipos
- Placas de circuítos impresos.
Cables
Os cables están formados, en xeral, por un conxunto de fíos de cobre (condutor) e están cubertos por unha envoltura de plástico (illante).
Antes de conectar un cable a un compoñente debes pelar o plástico e retorcer os fíos de cobre como se mostra na imaxe, xa que un pequeno fío que quede solto pode provocar fallos no circuíto se fai contacto onde non debe.
Símbolos: Cando deseñes un circuíto un pouco complicado é importante que diferencies entre os cables que están conectados dos que se crucen sen conexión, para que non te equivoques na montaxe práctica:.
Cruce con conexión:
Cruce sen conexión:
Placa de prototipos ou Protoboard
As placas de prototipos úsanse para facer probas de circuítos, e comprobar que funcionan antes de soldar os compoñentes no circuíto definitivo. Utilízase para a montaxe de circuítos electrónicos.
Cando empeces a estudar electrónica practicarás máis coa protoboard.
Placas de circuítos impresos
Podes montar un circuíto utilizando unha placa de circuíto impreso. Nela a corrente eléctrica circula por uns camiños de cobre e os compoñentes sóldanse á placa con estaño.
·