Non todos os materiais permiten o paso da corrente eléctrica. Hai materiais polos que os electróns non poden circular e outros polos que os electróns flúen con moita facilidade. Coñecer estes materiais vaiche ser útil para fabricar compoñentes eléctricos con materiais reciclados.
Condutores
Os condutores son aqueles materiais que conteñen electróns que poden moverse libremente. Son os materiais que nos van a servir para facer circuítos eléctricos.
Entre os condutores atópanse os metais, a auga salgada, etc. Por estes materiais os electróns poden desprazarse libremente dun punto a outro se lle conectamos unha fonte de tensión.
Illantes
Os illantes son materiais onde os electróns non poden circular libremente, como por exemplo a cerámica, o vidro, plásticos en xeral, o papel, a madeira, etc. Estes materiais non conducen a corrente eléctrica.
Semicondutores
Os semicondutores, como o silicio ou o xermanio, presentan propiedades eléctricas que están entre os condutores e os illantes. Utilízanse principalmente como elementos dos circuítos electrónicos.
