Resistencia eléctrica.
| A resistencia eléctrica (R) indica a oposición que presentan os condutores ao paso da corrente eléctrica . Mídese en Ohmios (Ω). |
Nas seguintes imaxes obsérvase que os electróns teñen máis dificultade para circular polo segundo condutor que polo primeiro. O segundo condutor ten máis resistencia.
Condutores e illantes
Os materiais condutores teñen pouca resistencia, pois permiten que a corrente eléctrica circule por eles.
Os materiais illantes presentan unha resistencia moi alta, tan alta que non permiten o paso de electróns.
Receptores
Todos os receptores (lámpadas, motores, etc.) que poñamos nun circuíto teñen resistencia e, polo tanto, ós electróns resúltalles máis difícil circular cantos máis elementos deses conectemos.
Acende todos os circuítos. Verás que cantas máis lámpadas conectemos en serie no circuíto máis resistencia haberá e as lámpadas alumearán menos, xa que aos electróns cada vez lles custará máis circular.
