mClon

tecnoloxia.org | A Industriosa

Sapoconcho-mClon

Desde a wiki de Bricolabs e grazas ao traballo de Felix Sanchez-Tembleque @felixstdp chéganos un novo clon de mClon: Sapoconcho-mClon

Ten a mesma electrónica que o mClon, pero está montado sobre o chasis do Sapoconcho na versión expanse, así que se pode programar coas instrucións que temos nesta web.

Grazas polo magnífico traballo, xa temos outra alternativa coa que fedellar. Encántanos que nos tuneen!


mClon Todoterreo

Se botabas en falta un modelo de mClon capaz de pasar por enriba de obstáculos do seu tamaño xa tes a solución.

Mediante engrenaxes e eirugas impresos en 3D conseguiredes que o voso mClon trepe por sitios que nin te imaxinas.

Tes dous modelos para poñelo a proba, coa eiruga impresa en plástico flexible, como a da imaxe, ou coa eiruga impresa en PLA.


Nós non vendemos mClons, só compartimos a información

Cada vez que hai un artigo na prensa que fala do mClon como este último de “El Periódico” recibimos moitas mensaxes preguntando por como mercar un robot mClon, e respondemos unha e outra vez que nós non os vendemos, que só compartimos a información sobre o material necesario, como montalo e como programalo. Toda a información sobre o material necesario está nesta web, concretamente na sección de “material necesario“.

Se ledes as entrevistas que nos fan veredes que sempre insistimos nos conceptos de software e hardware libre, no ánimo de compartir e non comercial, pero tal vez sexan eses titulares destacando un suposto valor de 20€ os que leven á confusión.

Queremos destacar que se mercades os compoñentes para 20 robots en tendas como aliexpress, imprimides vós as pezas, clasificades o material en bolsas, etc. pódevos saír por uns 20€, pero se queredes aforrar todo ese traballo e mercades un kit xa feito pódevos saír o dobre ou o triple. Loxicamente o traballo hai que pagalo. Pero o máis importante deste robot non é o prezo, como insistentemente destacan desde os medios, senón o feito de montar un mesmo o robot, entender como funciona, enfrontarse aos problemas e resolvelos, tunealo, engadir novos elementos, e facelo voso. Iso non ten prezo e constitúe o que realmente lle dá valor.

En fin, que non vendemos robots, só queremos que a robótica se traballe completamente, hardware+software, e por iso compartimos o que sabemos para que a xente poda aproveitalo.

Velaquí vai a recente entrevista publicada:


mClon na OSHWDem 2019

Se queredes ver funcionar os mClons en directo pasádevos pola exposición da OSHWDem 2019 que se celebrará o vindeiro sábado 9 de novembro no Museo Domus, na Coruña.

PCB que elimina o cableado, labirinto, tira de leds, matriz de leds, alerón-cronómetro, lanzafichas, recolle-latas, … mostraremos que podemos engadirlle ao noso robot múltiples sensores a actuantes e tunealo como nos pete.


Llantas flexibles para tunear o teu mClon

Novo modelo de roda que non necesita xuntas tóricas.

Se queres prescindir da xuntas tóricas e tes plástico flexible para imprimir podes descargar os stl de Onshape ou en GitHub, no cartafol Rodas. Tes dous modelos a elixir, con 3 e con 5 radios.

Para imprimir a roda segue os mesmos pasos que se indican no resto de rodas e para a llanta, igual que para calquera peza impresa con plástico flexible, terás que limitar ou eliminar a retracción e imprimir a menos velocidade. Non necesita soportes e a posición na cama da impresora é como na imaxen obtida de CURA.

No vídeo podes ver un mClon con rodas negras e llantas flexibles brancas.