mClon

tecnoloxia.org | A Industriosa

Feliz 2019

Para nós o 2018 foi un ano estupendo. Lanzamos o primeiro prototipo de mClon e recibimos unha moi boa aceptación da comunidade, participamos na OSHWDem, gañamos o segundo premio da convocatoria Educacompostela, temos un grupo de telegram con 80 participantes e unha magnífica asociación na que nos apoiamos: A Industriosa.

Para o 2019 esperamos ver que se constrúen e programan mClons nos centros de ensino, sacaremos unha placa que evite a liada de cables, faremos máis obradoiros, e agardaremos a que a comunidade mcloneira medre e que se mellore o robotiño.

De parte do equipo de mClon: Grazas a todos e a todas!!

Uns chíos deste 2018:


Contribucións

Xa hai xente preguntando pola shieldClon (paciencia, que xa falta pouco), o bluetooth, outros sensores, un logo, etc, pero nós sós non podemos facer todo ao ritmo que se demanda. Aínda temos cousas pendentes de documentar, outras que queremos probar, algunhas pequenas modificacións nas pezas, … e a listaxe vai medrando a maior ritmo que o tempo dispoñible para resolver todo o pendente.

[https://github.com/logos]

Pero como este é un proxecto aberto, calquera pode realizar a súa achega para poñela a disposición da comunidade. Para iso temos GitHub. No repositorio de contribucións podedes crear unha carpeta e subir alí todo o necesario para que podamos engadirlle melloras e novas funcionalidades ao mClon. Despois facedes un pull-request, aprobarémolo e, unha vez revisado, incorporarase a documentación nesta web referenciando a autoría. Cómpre que acheguedes toda a información necesaria para que resulte fácil de entender e de reproducir (descrición, esquemas electrónicos, listaxe de compoñentes, fotos, vídeos, etc.)

Se non sabedes usar GitHub outra opción é que nos enviedes a documentación por correo (mclon@tecnoloxia.org) e engadirémola nós ao repositorio.

Lembrade, o mClon que acabamos de lanzar é o primeiro prototipo deseñado, está en fase de probas e aínda ten moito que medrar e mellorar. Se queredes axudar a que medre máis rápido e mellor tendes o repositorio de GitHub á vosa disposición. Calquera contribución, por pequena que sexa, é benvida e incorporarase a este proxecto que é de todos e de todas.