tecnoloxia.org

Tecnoloxía na Educación Secundaria

Os electróns móvense motivados polas electroas!!??

Non podo deixar de alucinar ao ver os libros dixitais de Digital-Text, concretamente o tema de circuítos eléctricos de 1º e 2º de ESO.

Mirade como explican a diferencia de potencial (Fai clic na imaxe para ampliala):

digital-text.png

Vaia! Así que os electróns móvense a través dun condutor porque están motivados por electroas que se atopan ao final do camiño!

Desgraciadamente é algo habitual atopar nos libros de texto imaxes sexistas e linguaxe sexista, pero había tempo que non atopaba unha imaxe sexista tan lamentable e patética.

Aparte disto, as explicacións tamén deixan moitísimo que desexar. Hai unha falta de rigor alucinante, e incluso resulta insultante, pois trata ao alumnado de 12-13 anos como se fose estúpido.

Pódense explicar estas cousas de xeito sinxelo, adaptando os contidos á idade do alumnado, pero nunca perder o rigor científico. O potencial non é ningunha “motivación”, a intensidade non mide o “número” de electróns por segundo, os enchufes non son “xeradores” de corrente alterna, a potencia non é a “rapidez á hora para realizar un traballo”, e un longo etcétera.

Vamos, que se analizamos a fondo o material non sei se é máis grave a imaxe do electrón saído que corre detrás da electrona cursi cun laciño ou a cantidade de erros conceptuais que transmite este libro dixital.

Outra cousa que me chama a atención é que este contido estea dirixido ao ensino da tecnoloxía. Dígoo porque un dos obxectivos principais do estudo da electricidade en tecnoloxía debe ser, e así o marca o currículo, o deseño de circuítos que cumpran unha función predeterminada, o que constitúe a actividade tecnolóxica, sen embargo é algo que non se traballa nesta unidade, que aborda os contidos só dende o punto de vista … ía dicir científico, pero por suposto que tampouco.

Dito isto, resulta alucinante que Digital-Text sexa unha das empresas que recibiu subvencións para dotar de libros dixitais ao plan Escola 2.0 que está impulsando o goberno. Estamos pagando esta bazofia?

Reafirmo o meu convencemento: Non aos libros de texto, nin analóxicos nin dixitais.

(Atopeino grazas a @jordijubany que ligou ravalnet.org)


5 Comments

  1. Totalmente de acuerdo con lo que expresas, Maria. Tuve la desdicha de utilizar estos materiales en 4º de ESO el curso pasado, y estan al mismo nivel que el ejemplo de tu post (bazofia), lo cual es muy grave.
    Para qué necesitamos justificar delante de Ministerios o Departaments d’Educació si utilizamos internet en nuestras clases? Para que alguien se haga rico a nuestra costa? A mi esto de los libros digitales me huele más mal…
    Y comparto contigo: Non aos libros de texto, nin analóxicos nin dixitais

  2. Hola Carolina. Gracias por tu comentario.
    Resulta extraño que estos materiales no pasen un control de calidad antes de ser admitidos para la docencia. Creo que estos planes de “digitalización” de las aulas se están llevando a cabo de forma muy apresurada, y con muchas presiones de las editoriales.

  3. Totalmente de acuerdo, gracias por tu artículo María.

  4. Plas, plas, plas.
    No, no y no a libros de plástico editorial.

  5. Pingback: El corrent elèctric segons Digital Text « TecnoBlog

Deixa unha resposta

Required fields are marked *.