PlayPump é un tiovivo que utiliza a enerxía desbordante dos nenos e nenas para mover unha bomba que recolle auga do subsolo e a leva ata un depósito, para logo distribuíla a través de fontes á poboación.
Xa están instaladas máis de 1000 bombas de auga deste tipo en escolas de Sudáfrica, Mozambique, Zambia e outros países africanos, axudando non só ao acceso á auga potábel das comunidades locais, senón tamén á educación dos nenos e nenas, que antes non ían á escola porque tiñan que percorrer tódolos días varios quilómetros na procura de auga.
Poderíase engadir ao patio da escola outro tiovivo similar que servise para producir electricidade.
(Visto en technabob.com)
