Optoacopladores

O sensor TRCT5000 detecta obxectos a curta distancia (0 → 10mm) e é quen de distinguir distintas cores. Utilízase moito para distinguir entre branco e negro nos robots seguidores de liña, pero pódese utilizar tamén como detector de presencia.

A conexión realízase segundo os seguintes esquemas (un ou outro). O sinal emitido é analóxico, polo que se conectará a unha entrada analóxica do Arduíno, por exemplo A0.

O sensor CNY70 detecta obxectos a curta distancia (0 → 5mm) e pode distinguir distintas cores. Utilízase moito para distinguir entre branco e negro nos robots seguidores de liña, pero pódese utilizar tamén como detector de presencia.

A conexión realízase segundo o seguinte esquema. O sinal emitido é analóxico, polo que se conectará a unha entrada analóxica do Arduíno, por exemplo A0.

A distancia de detección do módulo TCRT5000  é moi curta (1→10 mm). Soe utilizarse en robots seguidores de liñas, pois pode distinguir entre branco e negro, e tamén como detector de presencia.

Ten dúas saídas. Podes conectar unha ou a outra en función das necesidades do teu proxecto:

• A0: Sinal analóxico (por exemplo pin A0) Permite distinguir intensidades de luz en función do valor obtido.
• Do: Sinal dixital (por exemplo pin dixital 7) O valor obtido será LOW cando detecte un obxecto (ou a luz reflicta sobre branco) e HIGH cando non (ou a luz reflicta sobre negro) .

Movendo o cursor do potenciómetro podes axustar a distancia de detección.

O módulo IR FC-51 detecta obxectos a maior distancia có TCRT5000 (2cm → 30cm).

A saída OUT é dixital, e conectarémola a unha entrada dixital do Arduíno, por exemplo ao pin dixital 7.

O valor obtido será LOW cando detecte un obxecto e HIGH cando non.

Movendo o cursor do potenciómetro podes axustar a distancia de detección.

1. Lectura analóxica.

Válido para calquera dos sensores anteriores agás o módulo IR FC-51 que é dixital.

Neste programa imos mostrar na consola os valores lidos polo sensor nunha entrada analóxica. Pon o sensor nunha posición fixa e observa os valores lidos en diferentes casos: No baleiro sen nada diante e coa presenza de obxectos de diferentes cores e a diferentes distancias.

// Lectura analóxica dun optoacoplador 

// Declaración de variables

int sensor= A0;       // Sinal do sensor no pin analóxico A0
int valor;            // Valor lido no pin analóxico A0

// Configuración

void setup() {
  Serial.begin(9600);
  while(!Serial);
}

// Programa

void loop() {
  
  valor = analogRead(sensor);
  Serial.println(valor);
  delay(100);        
  
}

Agora imos facer que uns LEDs se acendan ou apaguen en función do valor lido polo sensor. Axusta o rango segundo sexa o sensor utilizado e os valores obtidos ante a presenza de obxectos de diferentes cores ou distancias.

// Lectura analóxica dun optoacoplador con LEDs de indicación

// Declaración de variables

int led1 = 13; 
int led2 = 12;        
int sensor= A0;       // Sinal do sensor no pin analóxico A0
int valor;            // Valor lido no pin analóxico A0

// Configuración

void setup() {
  pinMode(led1, OUTPUT);
  pinMode(led2, OUTPUT);
  Serial.begin(9600);
  while(!Serial);
}

// Programa

void loop() {
  
  valor = analogRead(sensor);
  Serial.println(valor);

  
  if(valor<200){
    digitalWrite(led1, HIGH);
    digitalWrite(led2, LOW);
  }
  else {
    digitalWrite(led2, HIGH);
    digitalWrite(led1, LOW);
  }
  
  delay(100);        
  
}

2. Lectura dixital.

Válido para os módulos TCRT5000 e IR FC-51. Tamén se podería usar nos sensores TCRT5000 e CNT70, pero necesitariamos outro circuíto cun potenciómetro que nos permitise axustar a sensibilidade, polo que nestes casos é máis práctico utilizar o sinal analóxico. No caso dos módulos, a sensibilidade pódese axustar movendo o cursor do potenciómetro.

Imos facer un programa que indica se o módulo IR FC-51 detecta un obxecto ou non, ou, co módulo TCRT5000 apuntando cara ao chan a unha distancia fixa, se detecta branco ou negro. En ambos casos teremos a saída dixital do módulo conectado ao pin dixital 7 do Arduíno.

// Lectura dixital dun optoacoplador 

// Declaración de variables

int LED = 13;           // LED conectado no pin 13
int sensorPin = 7;      // Sensor conectado ao pin 7 
int deteccion;          // Variable de lectura da entrada dixital do sensor

// Configuración

void setup() {
  pinMode(LED, OUTPUT);
  Serial.begin(9600);
  while(!Serial);
}

// Programa

void loop() {
  
  deteccion = digitalRead(sensorPin);
  
  if (deteccion == LOW) {
    Serial.println("Obstaculo!");
    digitalWrite(LED, HIGH);
  } 
  else {
    digitalWrite(LED, LOW);
  }
  delay(100);
  
}